O grupo 3º ESO B do IES LAXEIRO participou no XVII RALLY MATEMÁTICO SEN FRONTEIRAS.

O RALLY celébrase desde 1991 a iniciativa do IREM (Institute pour la Recherche et L'Enseignement des Mathématiques) de Aquitaine. Participan grupos de alumnos de 3º e 4º de ESO de distintas comunidades (Cataluña, Baleares, Aragón, Galicia) e doutros países como Portugal, Andorra e Francia. 

Todas as clases inscritas resolveron o mesmo día, 22 de marzo, e á mesma hora os problemas propostos polo IREM de Toulouse.

Os gañadores de cada unha das zonas participarán na Fase Internacional o día 7 de maio en Toulouse.

Un grupo de alumnos do IES Laxeiro formado por Fátima Mosteiro Meijide (2º BAC A), Marcos Vilas Rodríguez (2º BAC A), Lucía Riádigos González (2º BAC B), Roi Gallego Fernández (2º BAC A), María Calviño Rodríguez (2º BAC B), Yolanda Ogando Gordedo (1º BAC B) e coordinado polo profesor Manuel Igrexas, foi un dos oito equipos de toda Galicia clasificados para a fase final da liga de debate Parlamento xove, organizada pola Dirección Xeral da Xuventude e Voluntariado.

 

A fase final consistirá nunha liga de debate entre os oito equipos finalistas que terá lugar no Parlamento de Galicia o 24 de abril.

Onte, mércores 17, os alumnos de ciclos medio de Electricidade e electrónica, Electromecánica de vehículos e de ciclo superior de Mantemento de equipos industriais, participaron nun obradoiros de primeiros auxilios.

O obradoiros foi impartido por profesorado e alumnado do CM de Emerxencias Sanitarias do IES Lamas de Abade de Santiago. Houbo unha parte teórica conxunta no salón de actos e despois, divididos en 3 obradoiros para grupos de 20 alumnos, impartíronse:

-maniobras de RCP

-inmovilización e traslado de feridos

-vendaxes de queimaduras, fracturas e feridas diversas

Dende aquí agradecer a todos polo éxito de participación e aos compañeiros do Lamas de Abade polo seu tempo e atención. Tedes as fotos dos diversos obradoiros na galería de fotos do centro.

Os días 23, 24 e 25 do mes de marzo terá lugar no IES. Laxeiro de Lalín unha nova edición das Xornadas de Orientación Laboral, nas que o eido agrario, as enerxías renovables , os procesos de selección e o futuro do automóbil serán algúns dos temas destacados .

Está dispoñible en orientación novo material de interés para alumnado de bacharelato e de 4º ESO interesado tanto en titulacións universitarias coma ciclos medios e superiores. Dado que ten copyright non se pode colgar na web e só o podedes consultar no despacho da orientadora.

Descrición do material:

-DVD Anuario "Entre estudiantes" con guias para decidir futuro, información sobre todas as universidades e estudos universitarios, notas de corte, campus....en España-

-Novos exemplares das revistas "Y ahora qué" (cun especial sobre o selectivo, probas de acceso a universidades privadas, guía práctica de universidades e un monográfico sobre a titulación de Dereito) e "Entre estudiantes" (con mongráficos sobre grao en información e documentación, grao en óptica e optometría e técnico superior en secretariado, así como tendencias de emprego para o 2010).

¡Pasade a consultalas cando queirades! Son de gran utilidade.

Alumnos e alumnas de 1º da ESO do IES Laxeiro participarán entre o 22 e o 26 de marzo na estación San Isidro (León), no programa Semanas Brancas. Os escolares conxugarán a práctica do esquí na estación situada na comarca do Alto Porma, no municipio de Puebla de Lillo, con actividades como a práctica de sendeirismo ou a visita á cidade de León.

Neste curso 2009-2010, o Departamento de Francés ten o privilexio de contar coa axuda dunha lectora francesa, Caroline Baudais.

Esta profesora acompaña os demais profesores do departamento en tódolos niveis educativos e dirixe actividades destinadas fundamentalmente a fomentar a comunicación oral en francés.

Poderemos contar coa súa axuda ata finais de maio.

Publicouse no DOGA do luns 11 de xaneiro, a orde que regula as probas de acceso ao sistema universitario (ensinanzas de grao).

Para ter máis información, consultade en orientación (que xa está realizando sesións informativas con alumnado de 2º Bacharelato Nocturno e Diurno) e tamén podedes consultar directamente a orde na  páxina web da Consellería de Educación.

Na semana do 16 a 20 de novembro realizáronse dous obradoiros a cargo de asesores da Cruz Vermella:

• o programa de prevención de condutas violentas: no que se trataron os DDHH, violencia de xénero, resolución de conflitos, autoestima e bullying
• o programa de educación para a saúde: sexualidade, hábitos nocivos (drogas, tabaco, alcohol), trastornos alimentarios (anorexia e bulimia) e VIH-SIDA.

Nestes obradoiros participou alumnado de 3º e 4º ESO.

Por se queres ver as fotos, consulta no album correspondente na galería de imaxes do Laxeiro.

O portal Infoempleo edita de forma bimestral a Revista TN Toma Nota, unha publicación xuvenil que podedes consultar de forma gratuíta e onde podedes atopar resposta a inquedanzas e intereses relacionados co mundo da formación e o emprego. Oriéntate e asesórate sobre o teu futuro académico e profesional!.

Revista Toma Nota