Skip to Content

Plan proxecta - 365 días de respecto e igualdade

O alumnado de 1º e 2º estivo traballando a violencia de xénero a partir da escaleira da violencia baseada na Historia de Pepe y Pepa de Carmen Ruíz Repullo poñéndoa en relacións con distintas emocións.

Para iso elaboramos unhas fichas en forma de pensamento-nube onde aparecía unha emoción coa súa breve definición, tirada do Emocionario de Palabras Aladas. Por outra banda, tiñan diferentes chanzos de distintas mostras de violencia de xénero.

O alumnado, disposto en grupos de catro/cinco persoas, tiña que decidir se todos os chanzos constituían mostras de violencia machista e posteriormente ordenalas de menor a maior intensidade de violencia. Ademais, a cada chanzo adxudicábanlle unha emoción.

Este pequeno xogo permitiunos reflexionar sobre os chamados “micromachismos” e fundamentalmente sobre as diferentes emocións que podían sentir as mulleres ao seren maltratadas. O alumnado decatouse de que todas as emocións que ían emparellando eran negativas.

Por último, visionamos o vídeo de Carmen Ruíz Repullo e comentamos e debatemos o seu contido.

A actividade resultou francamente interesante, xa que nos deu para debater, falar, reflexionar e consensuar distintas prespectivas mostradas polo alumnado.

Seguimos educando en igualdade!!!Deixámosvos algunha fotografía.