RESOUCIÓN DE ECUACIÓNS ALXÉBRICAS

Neste proxecto tratará-se de descubrir, estudar e comprender todo o relativo ás ecuacións alxébricas.

A actividade corresponde ao nível de 4º de ESO, aínda que poderia ser utilizado con certas restricións en 3º ou ben como reforzo en algún dos cursos de bacharelato.

A temporización total estimada para desenvolver o traballo é de trés semanas lectivas, repartidas do seguinte xeito:

Primeiros conceitos: 2 dias lectivos

Tipos de ecuacións: 2 dias lectivos

Métodos xerais de resolución de ecuacións: 3 dias lectivos

Métodos especiais de resolución de ecuacións: 5 dias lectivos

O desenvolvimento do traballo realizará-se por grupos de trés integrantes, con presenza obrigatória de ambos sexos. No caso de que sexa necesário poderán formar-se eventualmente grupos de catro integrantes.

Os grupos serán formados de forma autónoma mas deberán contemplar critérios integradores, de xeito que non ficará nengunha aluna ou aluno isolado á hora de conformá-los.  Por este motivo, o profesor reservará-se o direito a impór a composición dos grupos no caso de que non se cumpra algunha das condicións anteriores.

Cada grupo designará unha portavocia, que será a persoa encarregada da comunicación ao profesor dos progresos e dificuldades e de trasladar ao resto do grupo as indicacións ou recomendacións do profesor.