ELABORACIÓN E PRESENTACIÓN DE TRABALLOS ESCRITOS
Normas, criterios e consellos para elaborar e presentar traballos escritos.
ESTRUTURA DO TRABALLO
Citas
As citas son referencias a escritos doutras persoas.
As citas curtas (sempre que non pasen de dúas liñas completas) intégranse no texto usando as comiñas. Exemplo:
A inflación é un dos problemas económicos máis importantes. Segundo Keynes “a inflación é inxusta, a deflación inconveniente”.
Nas citas longas (en principio de máis de 3 liñas) inclúese o sangrado de 1 cm. a cada lado. Deberán ir separadas do texto por dobre espazo, tanto antes como despois da cita. É frecuente usar unha fonte máis pequena. Neste caso, o uso de comiñas non é necesario, posto que o sangrado xa indica que se trata dunha cita. Exemplo:
Segundo a física alemá Maria Goeppert-Mayer:
As matemáticas comezaban a parecerse demasiado á resolución de crebacabezas. A física é a resolución de crebacabezas, tamén, pero de crebacabezas creados pola natureza, non pola mente do home.
