Fondo Solidario de libros de texto e Axudas para adquisición material escolar. Curso 2018/2019

Participación no fondo solidario de libros de texto e convocatoria de axudas para adquisición de material escolar para alumnado matriculado en Secundaria Obrigatoria para o curso 2018/2019

 

Forma de presentación:

Poderán recoller e presentar a solicitude no centro, ou ben realizala accedendo á aplicación Fondolibros (https://www.edu.xunta.es/fondolibros/), e unha vez que teñan cubertos todos os datos deberán gardala, obtendo así o número de solicitude, e posteriormente poderán optar polas seguintes formas de presentación:

 

  1. No centro (imprimirán a solicitude e o anexo II, e os presentarán asinados, xunto coa documetación)

  2. Na sede electrónica da Xunta de Galicia.

 

 

Documentación:

  • Solicitude cuberta e asinada

  • Fotocopia do libro de familia (deberán presentar o orixinal a fin de cotexar as copias).

  • DNI ou NIE de todos os membros da unidade familiar (só no caso de non autorizar a consulta dos datos de identidade).

  • Renda correspondente ao exercicio do ano 2016daquelas persoas que teñan ingresos, (só no caso de non autorizar a consulta dos datos tributarios).

  • Xustificantes daquelas situacións especiais que se poidan alegar.

 

 

Prazo de presentación: ata o día 22 de xuño, na oficina do IES de Fene. O alumnado repetidor de 4º poderá presentala no prazo dun mes dende a formalización da matrícula en setembro.

 

 

Requisitos de renda:

 

A renda per cápita máxima para poder ter dereito ao fondo de libros é de 9000 euros para obter 4 libros e de 5400 euros para 6 libros de texto. (Nos casos de discapacidade do alumno/a superior ao 65 %, necesidades educativas especiais ou alumnado tutelado pola Xunta de Galicia, serán 6 libros independentemente da renda).

Para o cálculo da renda per cápita hai que sumar os recadros 392 e 405 da renda do ano 2016 (presentada no 2017) e dividila polo nº de membros computables da familia. (as persoas con discapacidade superior ao 33 % computan como 2).

Para ver un resumo das axudas, prema aquí.

As persoas beneficiarias de libros procedentes de fondo solidario do centro teñen a obriga de devolver os libros de texto do fondo no curso 2017/18. A falta de devolución será causa de exclusión da participación no curso 2018/19. Está exento desta obriga o alumnado cunha discapacidade igual ou superior ao 65%.

 

Prazos a ter en conta:

  • 12 de xullo: publicación de listaxes provisionais de solicitudes admitidas e excluídas.

    DOUS días de prazo para reclamar.

  • 14 de setembro: publicación de listaxes definitivas dos libros adxudicados a cada alumno.

  • Os libros entregaranse ao alumnado durante o mes de setembro.

Poden atopar toda a información sobre o procedemento en http://www.edu.xunta.gal/portal/node/25042

Ante calquera dúbida, poden poñerse en contacto co centro.

    

Fene, 25 de maio de 2018

AdxuntoTamaño
tabla resumo axudas fondo.pdf564.76 KB