Lémbrase que, ante a situación sanitaria xurdida como consecuencia da COVID-19, o alumnado non pode asistir ás aulas nos seguintes casos:

• Presentar síntomas compatibles coa COVID-19. Nese caso debe poñerse en contacto co seu médico ou médica de cabeceira e seguir as indicacións que este lle dea.
• Estar á espera dunha proba médica relacionada coa COVID.
• Convivir con unha persoa que está á espera dos resultados dunha proba.
• Convivir con unha ou varias persoas con COVID

Así mesmo, débese informar ao centro dos días en que o alumno ou alumna vai estar confinado/a e do resultado positivo ou negativo das probas, para podermos actuar de forma rápida e  eficaz.

Estas medidas pódennnos axudar a todas e a todos a superar esta situación e a evitar espallar a enfermidade. Desde o IES Félix Muriel sabemos que non estamos sós e contamos coa súa colaboración.

Sorte e ánimo.