Skip to Content

Pre-matrícula curso 2021-2022 na Aula Virtual

INFORMACIÓN SOBRE PRE-MATRÍCULA CURSO 2021-2022

O alumnado matriculado no IES Valga pode realizar a pre-matrícula para o vindeiro curso 2021-2022 no espazo habilitado na Aula Virtual do noso centro. No curso, deseñado para esta xestión, atopará orientacións dos contidos das distintas materias troncais e non troncais da ESO e do Bacharelato para o próximo curso.

 

Implantación de enfermeiras escolares nos centros educativos de Galicia

A Asociación Nacional e Internacional de Enfermería Escolar (AMECE) a través dun Grupo de Traballo prevé a implantación de enfermeiras escolares nos centros educativos de Galicia.

Nesta nova anéxanse dous documentos, un dirixido a profesores e outro a pais que teñan algún dos seus fillos no programa de alerta escolar.

A idea é que os pais e profesores que estean interesados cubran o documento e unha vez rematado poidan envíalo, e a AMECE a través do Grupo de Traballo encargarase de trasladarllo ao inspector do centro e ás Consellerías de Educación e Sanidade.

Acto de graduación da promoción de Bacharelato 2019-2021

Graduación alumnado 2º Bacharelato promoción 2019-2021

O venres 21 de maio, no patio do noso centro e seguindo as medidas sanitarias vixentes pola COVID-19, tivo lugar o Acto de Graduación da promoción de Bacharelato 2019-2021. Presentado polo alumno Pedro Ramos, foi un acto entrañable e emotivo; así en nome dos seus compañeiros de promoción, Óscar Ferreiro fixo un repaso aos anos que pasaron no Centro. Tamén houbo discursos do director, Eliseu Mera, das madriñas e padriños: Mar Tejero, Loli Rego, Raúl Gómez e Víctor González xunto co do alcalde, José María Bello Maneiro, o cal estivo presente no acto, ademais da concelleira de Educación, o presidente da ANPA e por suposto profesorado e familias. Ademais non podía faltar a entrega de diplomas ao alumnado graduado, mentres que María Ortigueira foi premiada como a alumna co mellor expediente.

Parabéns!!! a todo o alumnado graduado. Picando neste enlace  podes ver máis fotografías e información deste acto.

 

Alexandra Bandín e Samuel Rial gañadores do II concurso de debate escolar Regueifiñas 2021

Gañadores do II concurso de debate escolar Regueifiñas 2021

 O xurado do II concurso de debate escolar Regueifiñas 2021 que forma parte de Regueifas de Ciencia 2021, unha iniciativa da USC financiada pola FECYT, anunciou que o equipo do IES Valga formado por Alexandra Bandín de 1º Bacharelato e Samuel  Rial de 4º ESO resultou finalista e gañador deste certame. Mencionar tamén que este equipo, que defendeu a postura en contra nun debate sobre a legalización da maternidade surrogada en España, tivo como moderadora a Alicia Iglesias (1º Bacharelato) e como colaboradores ao alumnado Noelia Miguéns (1º Bacharelato) e Rodrigo Vidal (4º ESO), sendo coordinados polas profesoras Dulce Serramo e Loli Rego.

 O xurado valorou moi positivamente a relevancia e actualidade dos temas escollidos, a boa preparación das intervencións dos/as poñentes e a súa capacidade de argumentación. Ademais, o respecto ao formato proposto por Regueifas foi excelente, destacando tamén o papel dos/as moderadores/as dos debates.

Parabens!!! a todo o equipo por este recoñecemento.

Equipo IES Valga II concurso de debate escolar Regueifiñas 2021

Entrega de premios do Torneo de Xadrez 2021

Participantes e premiados Torneo Xadrez 2021

No primeiro recreo do venres 21 de maio, tivo lugar a entrega de agasallos para os gañadores e participantes no Torneo de Xadrez por parte do profesorado organizador desta competición. O acto finalizou coa celebración dunhas partidas simultáneas entre o alumnado e o profesor Fernando Regueira.

Reiteramos os parabens á organización e ao alumnado participante, desexando que esta actividade teña continuidade no vindeiro curso.

Simultáneas co profesor Fernando Regueira

Distribuir contido


by Dr. Radut