Skip to Content

Exalumnado do IES Valga achega a súa experiencia ao alumando de 4º ESO e 1º Bacharelato

Sara Iglesias, Antia Figueiras e Ismael García, exalumnado IES Valga

"E despois do IES Valga, que?" é o nome da actividade a que o pasado luns 14 de xuño, nas horas lectivas da tarde, asisitiu o alumnado de 4º ESO e 1º Bacharelato, co obxectivo de que antigo alumnado do noso centro mantivera un encontro co actual. O exalumnado: Sara Iglesias, Antía Figueiras e Ismael García falaron da súa experiencia e traxectoria educativa e profesional, unha vez que acabaron os seus estudos no IES Valga; tamén responderon ás dúbidas que se formularon. A actividade foi organizada polo departamento de Orientación e Vicedirección, dentro das actividades complementarias deste curso académico.

Alumado de 4º ESO na actividade E despois do IES Valga, que?

 

Alumnado de 1º ESO no proxecto ESTALMAT–Galicia - Convocatoria 2021

alumnado 1º ESO na convocatoria do programa ESTALMAT 2021

O alumnado de 1º ESO: Diego Comparada Iglesias, Ángela Costa Suárez, Jesús Manuel Lafuente Bello e Ana Castragudín Troáns, participou, na mañá do sábado 12 de xuño, na convocatoria de ESTALMAT-Galicia para o Estímulo do Talento Matemático. Esta primeira proba de selección realizouse na Facultade de Matemáticas da USC.  O Proxecto ESTALMAT-Galicia para Estímulo do Talento Matemático en estudantes galegos ten como un dos obxectivos detectar e prestar atención a nenos e nenas con talento matemático que, en moitos casos, poden pasar inadvertidos ou quedar desatendidos. Todos eles tiveron que realizar unha proba escrita.

Parabens e sorte!!! a Ana, Ángela, Diego e Jesús. A actividade foi organizada polo departamento de Matemáticas

alumnado 1º ESO na convocatoria do programa ESTALMAT 2021

 

Foto de grupo do alumnado de 4º ESO promoción 2017-2021

Foto de grupo do alumnado de 4º ESO promoción 2017-2021

O alumnado de 4º ESO, da promoción 2017-2021, chega ao remate nos seus estudos da Educación Secundaria Obrigatoria. Para lembrar este paso polo noso Centro realizou un pequeno acto no segundo recreo do venres 4 de xuño, no que posaron coas súas titoras, Teresa Sumay e Lucía Gómez.

Finalizamos o programa escolar de consumo de leite e froita fresca

Programa froita e leite 2021

Esta semana remata no noso centro unha nova edición do reparto de froita e leite no ámbito escolar, dentro do fomento dos hábitos de vida saudable. Durante os recreos e por parte de profesorado voluntario, procederase ao reparto de envases de leite e froita ao alumnado. 

Programa reparto froita e leite 2021

Día mundial do Medio Ambiente no IES Valga

alumnado de Cultura Científica de 4° ESO  e de Bioloxía-Xeoloxía de 1° Bacharelato

Coincidindo co Día mundial do Medio Ambiente (5 de xuño) e para conmemoralo, o alumnado de Cultura Científica de 4° ESO  e de Bioloxía-Xeoloxía de 1° Bacharelato fixeron un esforzo extra, saíndo polos arredores do centro o pasado venres 4 de xuño, uníndose á actividade da limpeza do noso centro que está realizando todo o alumnado desde 1º ESO a 1º Bacharelato. Foron acompañados polas profesoras Loli Rego e Ana Bueno. A actividade foi organizada polo departamento de Bioloxía e Xeoloxía.

Esperemos que con estas tarefas se tome conciencia do cuidado do medio ambiente, pois segue a recollerse unha grande cantidade de lixo.

Lixo recollido polo alumnado Día Medio Ambiente 2021

 

Distribuir contido


by Dr. Radut