Skip to Content

Día internacional das Matemáticas no IES Valga

espiraislogaritmicas

O pasado 14 de marzo foi o escollido pola UNESCO como Día Internacional das Matemáticas.
No IES de Valga sinaugurouse unha exposición fotográfica das obras realizadas polo alumnado de varios cursos da ESO. Isto estivo motivado pola participación do alumnado no concurso “Matemáticas nun clic”, convocado pola rede de divulgación matemática, DiMa, que  organiza durante todo o mes de marzo un conxunto de actividades de divulgación.

Cabe destacar a enorme participación do alumnado de 3º e 4º de la ESO, grazas á dinamización da profesora Maruxa Barca López. Non se pode olvidar a un grupo de alumnos de 1º de ESO guiados polos profesores Jose Mª Barca López e Julia Sainz Vaquero. Todo o departamento, que inclúe tamén  á profesora Cruz López Quintela e Yolanda Arrollo colaborou na exposición.

O departamento de matemáticas seleccionou catro obras polo seu carácter máis destacado. Estas son:

Tamgram Peludo de Ana Castroagudín Troáns de 1ºESO C

Ángulos Laranxas de Mateo García Piñeiro de 3º ESO A

Espirais Logarítmicas de Samuel Rial Maneiro de 4º ESO A

A fotografía máis laureada foi unha das 15 escollidas no concurso Matemáticas nun clic de

“Polígonos Iluminados” de Miriam Fontáns Castromán de 4º da ESO A

Aos seus autores se lles premiou cun obxecto xeométrico, decorado coas fantásticas fotografías presentadas.

Non deixedes de seguir as actividades do enlace: http://marzomates.webs.ull.es/

poligonos iluminados

 

Charla-coloquio coa cineasta Xiana do Teixeiro

Charla-coloquio coa cineasta Xiana do Teixeiro

Como actividade final á conmemoración do Día internacional da Muller, o venres 12 de marzo o alumnado de 3º e 4º ESO tivo un encontro coa directora de cine Xiana do Teixeiro para falar sobre o seu documentalTódalas mulleres que coñezo”. Antes desta charla-coloquio, o alumnado puido asistir á proxección desta obra cinematográfica onde mulleres de tres xeracións distintas falan e comparten  as súas impresións sobre a desigualdade de xénero. Moitas grazas a Xiana Teixeiro pola realización deste documental sensible con esta desigualdade social e pola súa presenza no noso centro.

Charla-coloquio coa cineasta Xiana do Teixeiro

 

Entrega de premios dos distintos concursos convocados este trimestre

No segundo recreo do venres 12 de marzo e na Biblioteca do noso centro, tivo lugar a entrega dos premios ao alumnado participante nos distintos concursos que se convocaron neste trimestre.

O profesor de Filosofía e coordinador dos clubes de lectura do IES Valga, Víctor González foi o encargado de dar os premios do concurso "As mulleres filósofas" a Ana Castoagudín de 1º ESO C e a Samuel Rial Maneiro de 4º ESO (recolleu o premio, no seu nome, Julia Fariña).

1º premio concurso "asmulleresfilosofas"

premio as mulleres filósofas

A coordinadora do Equipo de Dinamización da Lingua Galega, Dulce Serramo fixo entrega dos premios aos concursos "Nós, as mulleres": Leyre Domínguez e Helena Castaño de 1º ESO; e o de fotografía "O recuncho dos avós": Raúl García, Alfonso Álvarez de 2º Bacharelato, Hugo Loureiro Varela de 2º ESO e Nerea Pena Álvarez, Ángela Costa Suárez e Irati Lorenzo Bello de 1º ESO.

Gañadoras concurso "Nós, as mulleres"

Gañador concurso "O recuncho dos avós"

Premiados concurso "O recuncho dos avós"

Pola súa parte, a responsable da Biblioteca, Hilda Gulías entregou o premio á gañadora do concurso de elección do logo da Biblioteca, Rosalía Muíño de 3º ESO.

Ganadora logo da Biblioteca

Resoltos os concursos convocados no noso Centro

Esta semana que conmemoramos o Día Internacional da Muller Traballadora, os departamentos de Lingua Galega e Literatura, a Biblioteca, Dinamización da Lingua Galega e Filosofía, resolveron os concursos que tiñan en marcha.

Estes son os veredictos de cada un deles:

No caso do concurso "Nós, as mulleres" resultou gañadora a fotografía presentada baixo o lema: "cando quitaremos a máscara?", da que son autoras as alumnas de 1º ESO C Leyre Domínguez Castroagudín e Helena Castaño Ordóñez

foto gañadora do concurso "Nós, as mulleres"

No concurso de fotografíaO recuncho dos avós”, convocado polo Equipo de Dinamización da Lingua Galega e a Biblioteca do IES de Valga, foron gañadores:

1º premio ( vale de 30 euros e unha taza coa fotografía impresa) para o alumno de 2º Bacharelato Raúl García Piñeiro, autor da foto titulada: “No recuncho de sempre, facendo o de sempre

1º premio concurso "o recuncho dos avós"

2º premio (vale de 20 euros eunha taza coa fotografía impresa) para o alumno de 2º Bacharelato Alfonso Álvarez Constantino, autor da foto titulada: “No soliño estase mellor

2º premio concurso "o recuncho dos avós"

Ademais recibirán un accésit consistente nunha taza coa fotografía presentada impresa o alumnado:
Hugo Loureiro Varela pola súa fotografía  “Sempre recordarei este día con meus avós”; Nerea Pena  Álvarez pola foto “A praia de miña avoa”; Ángela Costa Suárez por  “Churrasco na grella os domingos” e  Irati Lorenzo Bello poa súa fotografía “Os meus avós sempre xuntos na lareira”.

Noraboa a todos eles pola súa participación.

Por último, mencionar o concurso "As mulleres filósofas", convocado polo departamento de Filosofía e que en palabras do seu profesor Víctor González Zúñiga: "Chegaron, un ano máis, e paséanse xa as mulleres filósofas polos corredores do IES de Valga. Lou Andreas Salomé, Hanna Arendt, Rosa Luxemburgo e tantas outras, ata cincuenta e dúas, mulleres, filòsofas todas elas. Mañá, venres, 12 de marzo, no segundo recreo, sobre as doce e media, as poderedes ver na entrega de premios dos concursos que, desde a biblioteca lanzamos ao espazo, virtual e físico. Vide a velas. Na foto adxunta o alumnado de 1º de bacharelato, filosofan con elas... si, con elas, non as vedes, pero están. Preguntádelle a eles, uns teñen a algunha pitagórica na cabeza, outros a Hildegarda, a mística, a Emile de Chatelet... os hai con sorte"

alumnado de 1º bacharelato no concurso "as mulleres filósofas"

Conmemoramos o 8 de marzo: Día Internacional da Muller

8 marzo: Día Interncional da Muller

Hoxe 8 de marzo, conmemoramos o Día Internacional da Muller e que terá a súa continuidade con actos e actividades durante toda esta semana. O corredor da planta baixa está decorado como espazo de igualdade para ambientar esta conmemoración.

Este conxunto de actividades abriuse coa lectura por parte dun grupo de profesoras e profesores dun manifesto para declarar o noso centro como espazo libre de machismo, e que será levado ao Claustro do profesorado e ao Consello Escolar do centro.

Ademais comezou a proxectarse nos recreos, nese mesmo corredor, imaxes, música unido á declaración de espazo libre de machismo. Alí tamén se poderá ollar a exposición de  traballos do concurso “Nós, as mulleres”.

Nas aulas haberá diferentes concursos: “As Mulleres Filósofas”, “Quen é ela?”: concurso mulleres científicas ou a proxección de  curtas e outras actividades ao redor da igualdade.

Para finalizar a semana teremos con nós á directora de cine Xiana do Teixeiro para visionar e conversar arredor do seu filme  ”Tódalas mulleres que coñezo”.

Colaboran coa Videdirección, para que todo isto sexa posible, distintos departamentos como o de Orientación, Plástica e Visual, Filosofía, Bioloxía e Xeoloxía, Lingua Galega, Física e Química ou Lingua Castelá.

Manifesto espazo libre de machismo

Distribuir contido


by Dr. Radut