2º Curso

Iniciamos este módulo ensinando como asesorar no punto de venda e identificando os distintos tipos de cliente co obxectivo de aplicar a mellor técnica de comunicación segundo o público obxectivo no punto de venda. A continuación, desenvolveremos as fases asociadas á preparación de pedidos de mercadorías e produtos; tamén describiremos as tarefas, os métodos, os elementos internos e todo o proceso documental da preparación de pedidos e expedición de mercadorías. Todo iso, sen esquecer as normas de prevención de riscos laborais na preparación de pedidos. Para finalizar, trataremos as queixas, as reclamacións e as suxestións que poden expor os clientes, o protocolo que se ha de seguir, a documentación e o procedemento de recollida de formularios.