Actividades Agrarias

Moi felices de que moitos fogares de Mugardos teñan centros florais, arboliños e coroas feitos polo alumnado dos Ciclos Básico e Medio do IES Mugardos. Pero aínda máis felices de contribuír á unha boa causa. A doazón das composicións florais á AECC, e a súa venta no mercado deste xoves, permitiu que se recaudaran 774 euros.

Aprendizaxe e servizo á comunidade. Proxectos de profes moi especiais. Non hai mellor maneira de celebrar o Nadal!.

Contrato Programa Convive.

 Medalla de prata
Floraría

Andrea Ríos

7º Campionato Galego de Formación Profesional

Recinto Feira Internacional Abanca de Silleda

Días 25, 26 e 27 de outubro de 2023

Participación do IES de Mugardos

25 de outubro

7º Campionato Galego de Formación Profesional

Recinto Feira Internacional Abanca de Silleda

Días 25, 26 e 27 de outubro de 2023

Participación do IES de Mugardos

O alumnado de FP Dual "Xardinaría e floraría" asistiu esta semana a un pequeno curso de prepación para a poda en altura. As clases foron impartidas por un especialista no pavillón do instituto.

Comunícase que os días 17 e 18 de outubro, en horario de tarde (de 4 a 9), terá lugar un curso de poda en altura, destinado ao alumnado de FP Dual.

Lugar: pavillón.

Botamos a andar.

Gústache a ciencia e sábelo!

Dende os diferentes departamentos relacionados coa ciencia do IES Mugardos, propoñeremos un calendario con actividades moi interesantes para todo o curso. 

Descobriremos, investigaremos e haberá premios e agasallos pero, sobre todo, divertirémonos polos escrutables camiños da CIENCIA.

Agardámoste no primeiro recreo do vindeiro venres 06 de outubro, diante do Laboratorio.

O alumnado de FP Básica asistiu este martes ao obradoiro de cociña sustentablee, impartido polo chef Alejandro Iglesias coa finalidade de concienciar sobre o cambio climático. Ao longo de dúas sesións, cociñaron tres pratos: salpicón de polbo e fabas con ovo encurtido, polbo asado con pataca e cebola e de sobremesa, torrada de coco e chocolate branco con toffe. Todo iso aderezado de boas explicacións e prácticas de baixo consumo enerxético, produtos de proximidade... Abofé que o resultado estaba saboroso!!!

A actividade estivo organizada polo Fondo Galego de Cooperación e Solidariedade solicitada polo Concello de Mugardos.

Malia as dificultades técnicas, o alumnado de FPBásica asistiu á actividade formativa "Dá o paso. Emprende no rural"  impusada pola Casa Grande de Xanceda. 

Realiza a túa encarga xa!!!

O coidado da terra e a agricultura sostible serán fundamentais para saír adiante.

Hoxe e todos os días do ano... #pensaenverde !!!

O alumnado de FPB2 iniciou no mes de marzo un proxecto no Instituto. Denomínase "captura e mostreo de vespa velutina".

Con esta actividade búscase facer un análise da presenza actual desta especie no noso entorno (determinar as curvas de voo e determinar cal é o período óptimo de trampeo). Construímos catro modelos diferentes de trampa, coa intención de elexirmos a máis eficaz, e todas elas xa foron instaladas nos xardíns do instituto durante a segunda semana de marzo.

A suspensión na actividade docente non supuxo un atranco neste proxecto, senón máis ben un impulso: ampliamos a zona de mostreo!. Seguimos a traballar nesta iniciativa dende as nosas casas, e cada un de nós constrúe e instala trampas próximas á súa vivenda; tamén faremos a posta en común dos datos de captura.

Dende aquí, animamos a todo o profesorado e alumnado que queira colaborar con este proxecto, a instalar trampas na súa zona, enviándonos fotos das mesmas e datos das capturas. Adxúntase un pdf coas instruccións para fabricar unha trampa caseira.

Aí van as primeiras imaxes...

    
Foto: Mateo                                                    Foto: Beba

Esta mañá celebrouse no Auditorio de Ferrol a Xornada de Orientación Educativa e alí estivo tamén o noso alumnado e profesores do ciclo de FP Básica. Aproveitaron a oportunidade de estar xunta no maior escaparate da oferta educativa da comarca para estrear o hotel de insectos e ensinarlles a todos os visitantes a técnica do kokedama... e, como non, promocionar Agroxardinaria e composicións florais.

Por primeira vez o IES de Mugardos partipou no GaliciaSkills, o V campionato galego da Formación Profesional celebrado esta semana en Silleda. O alumnado de FP Básica de Agroxardinaría e composicións florais encargouse da decoración do cocktail preparado polo IES Fragas do Eume trala entrega dos premios. 

Parabéns ao alumnado e aos profesores Mario e Martín por estes dous días de intenso traballo e experiencias formativas na grande cita da Formación Profesional de Galicia.

Máis información en Á Mugardesa Arte Floral

Cuestionario