Skip to Content

Biblioteca A3P

II CONCURSO DE FOTOGRAFÍA "O PRACER DE LER"

Dende a biblioteca convidámosvos a participar na segunda edición do concurso fotográfico "O pracer de Ler", co que queremos celebrar o Día do Libro 2022.  Como o curso pasado, en que a obra gañadora foi esta composición de Tomás Andrade Boga, trátase de mandar unha foto artística (ou varias) que recolla a idea da lectura como algo pracenteiro.  As bases do certame están recollidas no PDF que segue.

CLUB DE LECTURA AVELAÍÑA

Seguimos cos nosos clubs de lectura, aos que vos podedes incorporar cando queirades, xa que aínda nos quedan uns meses de curso.  Aquí tedes un PDF cos libros que estamos a ler neste momento.

 

ACTIVIDADES DA BIBLIOTECA PARA OS DÍAS DA POESÍA E DO TEATRO

O domingo 20 e o domingo 27 de marzo celebramos o Día Mundial da Poesía e do Teatro respectivamente

Con tal motivo, as dúas vindeiras semanas desde a biblioteca temos preparadas as seguintes actividades:

-Exposición de poemas seleccionados e ilustrados polo alumnado de 1º de ESO e de book trailers de alumnado de Bacharelato.

-Lectura dramatizada de fragmentos teatrais e poéticos a cargo do alumnado de 3º e 4º de ESO (farase entre o 28 e o 31 de marzo en todas as aulas do centro agás en 2º de Bacharelato, en data e hora que se indicará e sempre que non haxa inconvenientes por parte do profesorado).

-Exposición de fondos bibliográficos de poesía e teatro na mesa do vestíbulo.

-Lecturas e comentarios feitos polos profes que queirades dos vosos poemas e fragmentos teatrais favoritos nas clases que consideredes durante estas dúas semanas.

 

NOVOS LIBROS PARA OS NOSOS CLUBS DE LECTURA

Varios dos nosos clubs de lectura veñen de rematar o libro que estaban lendo e comezar un novo. É o momento para que vos incorporedes a esta actividade. Aquí vos deixo a información actualizada.

RECOMENDACIÓNS DA BIBLIOTECA PARA AGASALLAR E AGASALLARSE EN NADAL

Os membros do equipo da biblioteca e varios alumnos de 1º de ESO estivemos pensando en libros bos e bonitos que nos poderían traer Papá Noel ou os Reis este Nadal.  O resultado está neste arquivo que vos xuntamos e tamén nas estrelas penduradas da árbore de arriba.

Tamén vos lembramos que podedes levar o que queirades da biblio para ler nestas vacacións (deixando nota se non hai ninguén).

O grupo de biblioteca desexa a toda a comunidade educativa do David Buján unhas Felices Festas, sempre na boa compaña dos libros.

Distribuir contido


by Dr. Radut