Skip to Content

Convivencia e mediación

Charla sobre diversidade sexual

O día 20 de decembro, coa intención de comezar as vacacións con forza e cos mellores desexos para un novo ano no que se afiance a igualdade, Cristina Palacios, da Asociación ARELAS (Asociación de familias de menores trans), impartiu unha magnífica charla sobre diversidade sexual, a realidade diaria na que as persoas trans enfrontan discriminacións de todo tipo, os dereitos conseguidos e os que quedan por lograr, entre outras cuestións.

Agradecemos a Cristina, a precisión, a xenerosidade e a súa loita permanente para facer un mundo mellor.

25 N: Día Internacional da Eliminación da Violencia contra a Muller

Levantouse do chan

lenta e dolorosamente 

percibiu o rumor perenne do fútbol

Como unha autómata

case sen querer

cruzou o espazo da sala

colleu a fregona do baño

sen enfrontarse co espello

regresou á cociña

lenta e dolorosamente

como cada xornada

Fregou ben as baldosas

lenta e dolorosamente

o sangue e as bágoas.

Carlos Negro

Baldosas

 Manifesto elaborado por alumnas de 4º ESO

Denuncia de agresión lesbofóbica en Carballo

A Rede Educativa de Apoio LGTBiQ+ denuncia a "extrema gravidade" da agresión lesbofóbica en Carballo (Sermos Galiza, 20/11/2019)

Desde o departamento de Convivencia e Mediación do IES David Buján sumámonos á denuncia da agresión lesbofóbica de Carballo e mostramos a nosa solidariedade coas vítimas.

Saída de convivencia con 1º ESO

O pasado luns 30 de setembro, o alumando de 1º da ESO fixo unha saída de convivencia para coñecerse, xogar e divertirse.

Ao rematar as clases da mañá, fixeron en primeiro lugar unha andaina polo río e comeron xunto a el. Xa acabada a dixestión, camiñaron ata o campo de fútbol Dani Mallo. Alí encontráronse con Zeltia e mais Miriam, as dúas organizadoras dos xogos, para que as rapazas e rapaces se divertisen.

Finalmente agradeceron a compañía das organizadoras, do profesorado e das tres rapazas de 3º da ESO que colaboraron e que forman parte do Equipo de Integración (Candela, Claudia e Valentina). Despois, tocou volta ao centro.

Valentina De Girolamo

Distribuir contido


by Dr. Radut