Proxecto Ríos

No pasado mes de abril o alumnado de 1º ESO e 3º ESO desenvolveron sendas actividades relacionadas co Proxecto Ríos dentro do Plan Proxecta.

Se queres saber máis sobre estas actividades só tes que premer en cada unha das imaxes:

          

PROXECTO RÍOS 1º ESO                                    PROXECTO RÍOS 3º ESO

Tags: Extraescolares

Abril dos libros: Cara a cara cos clásicos

Para conmemorar o mes dos libros, o grupo de biblioteca en colaboración coa EDLG e o club de lectura do do IES Chano Piñeiro, puxeron en marcha unha campaña de animación á lectura na que puxeron cara a 32 clásicos da literatura universal. Quixeron coñecer á persoa que está detrás e dentro deses libros e difundir a idea de que os clásicos están vivos.

Premede na imaxe para acceder á recompilación dos vídeos conmemorativos.

Tags: Complementarias, Novas

Calendario Exames das materias pendentes

Preme na imaxe para acceder ao calendario da convocatoria ordinarias de exames das materias pendentes.

Tags: Xefatura de Estudos

CHARLA SOBRE ARQUEOLOXÍA

Acceso á retransmisión den directo da charla sobre arqueoloxía impartida por Noemí Silva Sánchez que leva por título Como podemos reconstruír as paisaxes do pasado.

PREME NA IMAXE PARA ACCEDER

Tags: Complementarias, CC SS

ADMISIÓN ALUMNADO 2021/2022 - SOLICITUDE

Desde o 1 e ata o 22 de marzo está aberto o período de solicitude de admisión no noso centro de cara o curso 2021/2022. Esta convocatoria unicamente vai dirixida ao alumnado que desexe ser admitido no noso centro de cara o vindeiro curso (non se inclúe o alumnado de 6º de primaria dos centros adscritos que reservaron praza e que xa están admitidos).

As prazas vacantes ofertadas de cara o vindeiro curso 21/22, que están publicadas no taboleiro informativo do centro, son as seguintes:

  • 1º ESO: 11 prazas (obtivo praza todo o alumnado dos centros adscritos que a solicitou)
  • 2º ESO: 15 prazas
  • 3º ESO: 10 prazas
  • 4º ESO: 12 prazas
  • 1º Bacharelato: 9 prazas
  • 2º Bacharelato: 10 prazas

 

As solicitudes de admisión realizaranse usando o modelo ED550B (ver) que poderán cumprimentado tanto de forma manual como a través da aplicación admisionalumnado. No caso de que opte por empregar dita aplicación, hai que ter en conta que cando se confirme a solicitude xerarase un informe en formato pdf.  

Hai dúas alternativas para presentar a solicitude:

A) Presentar o formulario debidamente cumprimentado de forma presencial no centro

B) A través da Sede Electrónica da Xunta

 

INFORMACIÓN ADICIONAL

a) O alumnado que está matriculado neste curso no IES ten garantida a súa praza no centro de cara ao vindeiro curso tanto para a ESO como para o bacharelato.

b) O alumnado que ten garantía de permanencia no noso centro, se presenta solicitude de admisión noutro distinto, deberá comunicalo.

Tags: Dirección

ROSALÍA E O MAR

Para conmemorar o Día de Rosalía, o venres 26 de febreiro a partir das 13:25 horas poderedes seguir en directo o acto que estamos preparando para homenaxear, un ano máis, á figura máis relevante das nosas letras. Nesta ocasión, centrarémonos na relación da obra de Rosalía co mar.

Podedes ver á retrasmisión premendo na imaxe:

Tags: Complementarias, ENDL

ADMISIÓN ALUMNADO 2021/2022 - Reserva de praza

ACTUALIZACIÓN (23/02/2021)

Todo o alumnado dos centros adscritos que fixo a solicitude de reserva no noso centro, foi ADMITIDO.

 

 

Desde hoxe luns dia 11 de xaneiro e ata o vindeiro 16 de febreiro está aberto o prazo para presentar as solicitudes de reserva para cursar 1º ESO no noso centro de cara ao vindeiro curso 2021/2022. Dita solicitude terá que facela unica  e exclusivamente aquel alumnado que estea a cursar 6º de primaria en calquera dos tres centros adscritos ao noso instituto. 

A presentación da solicitude farase ou ben no centro de primaria de orixe ou a través da aplicación admisionalumnado presentando o formulario normalizado anexo I  e anexo I bis.

Tags: Secretaría

BOAS FESTAS!

Desde o IES Chano Piñeiro de Forcarei queremos desexarlle unhas boas festas a toda a Comunidade Educativa do centro e aproveitamos para agradecer a colaboración e o bo facer de todas e de todos, familias, alumnado e persoal do centro, á hora de afrontar esta situación tan difícil que nos tocou vivir.

Agora toca celebrar o Nadal dun xeito diferente. Sabemos que teremos que renunciar a moitas cousas, pero pensemos que o máis importante é poder iniciar o segundo trimestre con todo o ánimo, toda a forza e, por suposto, tod@s xunt@s.

Para deixar atrás este fatídico 2020, hoxe repartimos entre todo o alumnado o calendario do 2021 elaborado polo Equipo da Biblioteca e o EDLG. Agardamos que vos guste!

 

PREME NA IMAXE PARA VELO

Tags: Dirección

INFORMACIÓN FIN DO TRIMESTRE

Segundo o establecido na orde do 25 de xuño de 2020 pola que se aproba o calendario escolar para o curso 2020/2021, mañá martes 22 de decembro será o último día lectivo do primeiro trimestre.

Informamos que haberá horario normal (mañá e tarde) co servizo habitual de comedor e de transporte.

Os boletíns de cualificacións seránlle entregados ao alumnado ao longo da mañá. Ademais, ditas cualificacións serán publicadas a través de ABALAR MÓBIL en torno ás 15:00 horas. 

Lembrar que as clases reanudaranse o vindeiro venres 8 de xaneiro.

 

Se durante o Nadal houbera calquera novidade debido ás circustancias particulares que estamos a vivir pola pandemia da COVID19, seralles notificada tanto a través desta páxina web como da aplicación ABALAR MÓBIL.

 

Tags: Dirección

A que altura está o ceo?

Hoxe recibimos a visita do Catedrático de Electromagnetismo no Departamento de Física Aplicada da USC, Jorge Mira para impartirlle ao alumnado de bacharelato a conferencia que leva por título A qué altura está o ceo?

Esta actividade forma parte do I Ciclo de Conferencia Aída Fernández Ríos organizadas pola Real Academia Galega de Ciencia e a Deputación de Pontevedra.

  

  

Tags: Complementarias, Novas, Física e Química