Hoxe as alumnas e alumnos de 2º de bacharelato que colaboraron neste proxecto tiveron a oportunidade de entregar os libros ás mulleres do Módulo 1 de Teixeiro. Pero non só iso, grazas ao equipo de orientación e inclusión deste módulo puideron coñecer como é o día a día dos internos, os talleres que realizan, as normas, os estudos que poden realizar, os diferentes módulos que ten o centro penitenciario...
Unha xornada intensa de aprendizaxe e emocións. Estamos moi agradecidas pola acollida e xa pensando en futuras colaboracións.
O proxecto Ás esquecidas, de recollida de libros dedicados para as presas no Centro penitenciario de Teixeiro, converteuse nunha colaboración máis estreita da prevista inicialmente.
Como moitas das persoas que querían doar libros tiñan a mesma pregunta, "e que tipo de libros quererán?" decidimos preguntarllo directamente a elas a través dun vídeo gravado por parte do alumnado que participa nesta actividade. As mulleres do Módulo 1 de Teixeiro enviáronnos cartas coas súas preferencias e foi así como completamos os libros que finalmente levamos, algúns dedicados a lectoras anónimas e outros personalizados.
No segundo día en Cantabria o alumnado de 4º ESO tivo moita actividade: descenso en canoa polo río Deva pola mañá e actividades de multiaventura pola tarde.
O alumnado de 4º ESO chegou a Santillana do Mar o martes, día 2, despois de visitar Luarca, Cudillero e San Vicente de la Barquera. Desgrazadamente o mal tempo non lles permitiu visitar a Praia de Gulpiyuri.
Ao día seguinte visitaron as covas del Soplao e Comillas. Pola tarde realizaron a primeira das actividades programadas: paintball.
É un pracer presentar o noso Vídeo-Dosier Final do proxecto "Cantigas e Murais para o Coñecemento do Reino Medieval de Galicia". Neste vídeo, resumimos os emocionantes momentos vividos durante esta marabillosa aventura cultural.
Desde os conciertos onde as cantigas medievais resoaron nos nosos corredores ata a creación do mural que adorna o noso espazo, cada paso deste proxecto foi unha celebración da nosa rica historia e cultura galega.
Queremos agradecer a todo o alumnado e profesorado que participou co seu talento e entusiasmo, facendo deste proxecto unha experiencia inesquecible.
Este proxecto enmarcouse nos II Premios Reino de Galicia 2023, un recoñecemento á creatividade e á investigación da nosa historia. Estamos orgullosos de compartir esta viaxe coa comunidade educativa.
Grazas a todos e todas por acompañarnos nesta aventura de coñecemento e creación. Seguiremos a celebrar e a promover a nosa cultura galega con orgullo e entusiasmo.
Equipo do Proxecto "Cantigas e Murais para o Coñecemento do Reino Medieval de Galicia" IES Cacheiras
A nosa III Semana Cultural EMOCIÓNATE, acabou como se merece, coa emoción e a ilusión da maxia. Grazas a Joshua Kenneth por poñer este punto final tan divertido co alumnado de 1º ESO.
Conseguimos o noso obxectivo de chegar a Compostela pedaleando durante esta semana. Grazas a todo o alumnado que colaborou e ao departamento de Educación Física por esta iniciativa tan divertida.
