Segundo Trimestre

Desde a vicedirección e as titorías, acabamos de poñer en marcha o concurso "Aula acolledora" para premiar aqueles cursos de 1º e 2º ESO que destaquen polo coidado da súa aula no seu sentido máis amplo: orde, limpeza, material, espazo-aula, pero tamén respecto, axuda, escoita, traballo e convivencia. Para iso, un xurado formado por once persoas (profesorado, alumnado e persoal de limpeza) valorará quincenalmente a cada grupo.

Este é o calendario de actividades de Espazo Lectura para o mes de febreiro de 2022. 
O instituto é socio protector da asociación do Val Miñor para o fomento e animación da lectura en lingua galega. 

A nosa alumna Nerea Barros Vidal, de 4º ESO A, foi seleccionada no programa de becas da Fundación Amancio Ortega para estudar durante o curso 2022-23 en Canadá.
Moitos parabéns, Nerea!

O venres 4 de febreiro o alumnado de Economía de 1ºBach-B/C realizará unha visita ás instalacións de ANFACO-CECOPESCA, o grupo que representa a case 250 empresas do sector alimentario relacionado co mar. A actividade, que está organizada polo departamento de Economía, enmárcase dentro do programa EduTecEmprende da Consellería de Educación. 

O luns 31 de xaneiro tivemos dúas charlas organizadas polo Departamento de Filosofía: unha, impartida polo profesor Andrés Cernadas sobre "Valores, conflitos éticos e corrupción no ámbito político e profesional", para alumnado de 2º de Bacharelato de Historia da Filosofía e 4° de ESO de Valores Éticos; e a outra, a cargo da profesora Ángela Fernández co título "Políticas de xénero: onde estamos e cara on

Aquí tedes o vídeo “oficial” da coreografía “Terra”, de Tanxugueiras. Foi bailada e desfrutada hoxe venres por alumnado, profesorado e persoal de limpeza e compartida coa xente que pasaba a media mañá pola Praza da Paradela de Gondomar.