Set 27
Nesta semana, dúas profesoras do IES de Arzúa (Mamen e Teresa) están participando nunha formación Erasmus en Lisboa. Grazas ao CAFI (Centro Autonómico de Formación e Innovación), o IES puido sumarse a este proxecto #KA101_CAMINE e a formación #dips21. Máis de 80 participantes de diferentes centros de ensino de Francia, Alemaña, Reino Unido e Galicia atópanse creando redes, contactos e poñendo en común proxectos actuais e de futuro.
Con motivo do Día europeo das linguas, que se celebra o 26 de setembro, difundimos este documental de 47 minutos elaborado pola comunidade educativa do IES de Arzúa, coa colaboración de Mª José Pérez, sobre a situación do galego na actualidade no ámbito da educación secundaria.
Un recurso didáctico para achegármonos a contidos relevantes para o currículum das materias de lingua como: bilingüismo, diglosia, prexuizos lingüísticos, lusofonía... A partir de diálogos e reflexións do alumnado do curso 2020-21 aproximámonos a estas preguntas e ás súas respostas.
Podedes acceder ao vídeo picando na seguinte imaxe.
Os emprendedores de este curso prometen...xa están traballando na recollida de tapóns dentro da campaña CONECTADOS que leva a cabo a Fundación Amigos de Galicia. A primeira recollida faise a finais de setembro.
Pregamos colaboración a toda a COMUNIDADE EDUCATIVA para superar os 2.000 Kg recollidos o curso pasado!!!!!
Picando na seguinte imaxe poderás acceder as fotografías da actividade:
Debido á situación da COVID os centros educativos deberán dispor dun Plan de adaptación á pandemia.
Picando na seguinte imaxe poderase acceder ao Plan de adaptación á COVID-19 do IES de Arzúa.
Os servizos sociais comunitarios do Concello de Arzúa INFORMAN que abreuse o prazo para a convocatoria de AXUDAS DE APOIO AO ESTUDO PARA O ANO 2021.
O obxecto destas axudas é facer efectivo o principio de igualdade no exercicio do dereito á educación e compensar a aquelas familias que polas súas condicións económicas presenten maiores dificultades para afrontar os gastos derivados da escolarización dos seus fillos e fillas.
Requisitos das persoas beneficiarias:
1.Ter empadroamento no concello de Arzúa.
2.Estar escolarizados nos niveis de educación infantil, primaria e secundaria
obrigatoria nalgún dos centros educativos do municipio.
3.Estar ao día no pago das obrigas tributarias, da seguridade social e das do concello
de Arzúa.
4.Non superar os ingresos que establece o baremo económico do artigo 6 da
convocatoria.
A contía das axudas será de 120euros para cada alumno ou alumna.
Picando na seguinte imaxe poderán acceder a toda a información relacionada con estas axudas.
Set 10
O día 15 de setembro ás 08:50 iniciarase a actividade lectiva. Ese día cada alumn@ deberá dirixirse a aula correspondente onde recibirá o horario e as instrucións por parte do seu titor ou titora.
Dende o día 10 de setembro xa se pode consultar no taboleiro de entrada do IES a distribución do alumnado nos diferentes grupos.
O alumnado de 1º da ESO terá a presentación o día 14 de setembro ás 17:00 horas no salón de actos. Debido a importancia dos temas a tratar é preciso a asistencia do alumn@ coa súa nai/pai ou titor legal.
O alumnado de 1º de FP básica terá a presentación o día 15 de setembro ás 12:00 horas no salón de actos. Tamén deberá acudir o propio alumn@ acompañado dun membro da familia.