Queres gañar 200 euros para a compra de libros ou material audiovisual en galego? Tamén haberá premios de 150 e 100 euros, ademais da opción de dous accésits de 50 euros cada un!
O vindeiro xoves 20 de abril ás 18:00 terá lugar o XIII ‘Certame de microrrelato en galego EOI de Pontevedra’, que organiza a Escola Oficial de Idiomas de Pontevedra (EOI), en colaboración co Concello de Pontevedra. Consulta as bases!
O certame está aberto a todas aquelas persoas que desexen participar que cumpran a condición de ser maiores de 14 anos e realízase de maneira presencial. Ao comezo do mesmo daranse a coñecer tres palabras que deberán ser incluídas obrigatoriamente nos relatos.
Ademais, haberá outras tres sedes para facilitar a participación: o IES Valle Inclán de Pontevedra, o IES Antón Losada Diéguez d’A Estrada e o IES Ramón María Aller Ulloa de Lalín, todas elas seccións da EOI de Pontevedra onde tamén se imparte docencia.
Ti tamén sintes paixón polos contos? Entón non podes perder a oportunidade de escoitar a Simone Negrin contando a historia de Decameron o vindeiro 17 de abril ás 17.30 horas no Salón de actos da Escola.
Es alumno/a da Escola ou ex-alumno/a de portugués? Daquela tés a sorte de poder realizar unha viaxe coa Escola a Ponte de Lima e Viana do Castelo. Reserva a túa praza antes do 26 de abril ás 20.00 horas chamando a Galegría Viajes.
Data da viaxe: 29 de abril. Consulta todos os detalles.
Prezo total da viaxe: 30 euros (inclúe transporte, guía oficial por Viana do Castelo, billetes ao Museo do Traje e asistencia en viaxe).
Sabías que na EOI de Pontevedra abrimos as portas das nosas aulas para observar a práctica docente? Bota unha ollada ás nosas experiencias e reflexións recollidas neste vídeo:
Bonnie Cooper presenta esta actividade especial en inglés con música para celebrar a Pascua. Podedes asistir o xoves 30 ás 19.30 ou o venres 31 de marzo ás 11.00 horas no salón de actos.
Aproveita esta oportunidade para renovar os teus libros! Deixa os usados na conserxaría da Escola e alí darache un vale para trocalo por outros libros no Salón do libro o vindeiro día 23 de abril, no Pazo da Cultura. Agardámoste!
Benvidos/as ao noso concurso de 'selfies'. Anímaste a retratar unha frase feita enxeñosa que teña que ver coa vestimenta/moda ou refrán na túa lingua de estudo?. Haberá seis categorías, unha por lingua e o premio para cada unha delas é un vale de 20€.
Consulta as bases e participa ata o venres, 21 de abril e envía a túa creación ao enderezo plambe.eoipontevedra@gmail.com. Emprega este modelo para crear o teu "selfie" lingüístico. Moita sorte!
Os próximos 22 e 23 de marzo ás 18h 30´ e 10h ´30 respectivamente acolleremos no salón de actos da EOI unha charla sobre o desembarco de Normandía, impartida por Quentin Lemoine. Ao remate faremos un pequeno concurso con premios para as persoas más atentas; anímaste a participar?
Continuamos co ciclo de cinema na EOI de Pontevedra e rematamos con Alemán!
Achégate ao salón de actos para ver Lotte Am Bauhaus:
Queres prepararte para o Entroido dunha maneira creativa e orixinal? O Departamento de Italiano convídate a participar nos obradoiros de máscaras que terán lugar os vindeiros 16 e 17 de febreiro na biblioteca.