Aula Virtual da EOI de Lugo

No Día da Poesía, Loida Rodríguez, alumna de inglés e voluntaria na biblioteca da escola, gravou este podcast para todxs xs amantes da poesía e tamén para espertar a curiosidade daqueles que aínda non descubriron este xénero.

An expert analyzes dreams and their possible meanings.

A relação de um  brasileiro, um português e um galego com a Galiza, com a língua comum e entre eles.

Dep. Português EOI de Lugo

As casas de Taipa.

Dep. Português EOI de Lugo

Episódio 2. Conversas à volta da casa. Favelas ilhas e gentrificação

Dep. Português EOI de Lugo

Episódio 3.  Conversas à volta da casa. A palafita e outras casas do rural.

Dep. Português EOI de Lugo

Episódio 4. Conversas à volta da casa. Entrevista a Rui David, cantor português.

Dep. Português EOI de Lugo

Con este primeiro episodio en galego sobre "O Corno" arranca FONEMA CINEMA RADIO, UN FALADOIRO DE PELÍCULA realizado por alumnado e profesorado da EOI de Lugo na biblioteca, dentro da programación de Radio Rochoteca, a partir do visionado de filmes nos Codex Cinema de Lugo.

"O Corno" é unha longametraxe galega de Jaione Camborda (Donostia, 1983) que foi premiada na edición 71 do Festival Internacional de Cinema de San Sebastián (SSIFF), celebrada en setembro de 2023. A comunidade educativa da EOI de Lugo asistiu a unha proxección do filme nos Codex Cinema pouco despois. Neste podcast, gravado nesas datas, alumnado e profesorado da escola comparten as súas impresións sobre a película e os temas que se tratan nela. Un deses temas é, sen dúbida, a sorodidade. Estando no mes do Día Internacional da Muller, as reflexións deste faladoiro están de actualidade. Ademais, Janet Novás, que interpreta a María en "O Corno", vén de ser recoñecida co Premio Goya á mellor actriz revelación.

Se non viches a película, advertimos de que hai spoilers. Xa estás tardando, é moi recomendable!

Este é o segundo episodio de FONEMA CINEMA RADIO, UN FALADOIRO DE PELÍCULA realizado por alumnado e profesorado da EOI de Lugo na biblioteca, dentro da programación de Radio Rochoteca, a partir do visionado de filmes nos Códex Cinema de Lugo.

Alumnado e profesorado do departamento de francés comparten as súas impresións nesta lingua sobre o filme "Je verrai toujours vos visages", realizado por Jeanne Herry e presentado nas salas españolas co nome "Las dos caras de la justicia". A comunidade educativa da EOI de Lugo asistiu á proxección da película nos Codex Cinema en novembro de 2023, mais neste faladoiro escoitáronse reflexións atemporais sobre a xustiza restaurativa que recentemente cobraron actualidade co 20 aniversario dos atentados do 11M, por exemplo. "Je verrai toujours vos visages", ademais, foi un dos filmes máis destacados na última edición dos Premios César do cinema francés. No faladoiro participaron Victoria Bresca, auxiliar de conversa do departamento de francés, e dous alumnos Ramón García e Silvia Amoedo.

Se non viches a película, advertimos de que hai spoilers. Xa estás tardando, é moi recomendable! Sobre todo en versión orixinal.

Este é o terceiro episodio de FONEMA CINEMA RADIO, UN FALADOIRO DE PELÍCULA realizado por alumnado e profesorado da EOI de Lugo na biblioteca, dentro da programación de Radio Rochoteca, a partir do visionado de filmes nos Códex Cinema de Lugo.

Alumnado e profesorado do departamento de alemán comparten as súas impresións nesta lingua sobre o filme „Das Lehrerzimmer“, realizado por İlker Çatak e presentado nas salas españolas co nome "Sala de profesores". A comunidade educativa da EOI de Lugo asistiu á proxección da película nos Codex Cinema en xaneiro de 2024, mais neste faladoiro escoitáronse reflexións atemporais sobre o contexto educativo e o labor docente. „Das Lehrerzimmer“ foi estreado na edición 73 da Berlinale, e escollido por Alemaña como filme candidato aos Oscars, na categoría de mellor película estranxeira. No faladoiro participaron María José Veiga, profesora do departamento de alemán, e tres alumnos de niveis B1.2 e C1.1, Laura Iglesias, Fernando Barro e Olga Rodríguez.

Se non viches a película, advertimos de que pode haber spoilers. Xa estás tardando, é moi recomendable! Sobre todo en versión orixinal.