Skip to Content

COMENTARIOS

CALENDARIO

« Maio 2021 »
LunMarMérXovVenSábDom
12
3456789
10111213141516
17181920212223
24252627282930
31

PRÓXIMAMENTE

  • No upcoming events available
Imaxe de teresa

MESTRA DE OBRA (PROXECTO LUPO)

O vindeiro 8 de febreiro ás 19:00 a arquitecta e educadora Patricia González Pérez presentará o programa Mestra de Obra a través dunha xuntanza online coas familias interesadas. Para acceder a esta reunión farase a través do seguinte enlace:

https://eduxunta.webex.com/eduxunta/j.php?MTID=mc3aecc810e5c0ab34f9b64769c0dca52

Durante a reunión é importante ter o micrófono e o vídeo apagado para evitar que a rede sobrecargue. A xuntanza comezará 10 minutos antes da hora programada para poder solventar posibles dificultades de conexión.

Podedes consultar os pasos a seguir para a conexión no seguinte vídeo:

 

 

 

O claustro do CRA agradécevos a vosa colaboración e implicación.

Imaxe de teresa

DÍA DE PORTAS ABERTAS

Se desexades coñecer as escolas que conforman o C.R.A. Ponte da Pedra, aproveitade o día de portas abertas que se organizará na tarde do luns 22 de setembro. Todas as persoas interesadas en acudir á visita, deberedes pedir cita previa na escola ou escolas que vos interese e cumprir coas medidas hixiénico-sanitarias establecidas na normativa vixente.

 

 

 

 

 

 

 

Imaxe de teresa

RESERVA DE PRAZAS

De conformidade coa disposición adicional primeira da Orde do 12 de marzo de 2013 que regula o procedemento de admisión de alumnado en centros docentes sostidos con fondos públicos e a Orde do 18 de decembro de 2020 que a modifica, o próximo día 11 de xaneiro inícianse os trámites do procedemento coa reserva de praza nos centros adscritos.

A adscrición das nosas escolas é a seguinte:

- 6º de E.I. de Mirón e Rega: C.E.I.P. Fogar.

- 2º de E.P. de Artes e Verdillo: C.E.I.P. Gándara (Sofán).

- 2º de E.P. de Cances, Sísamo e Xoane: C.E.I.P. Bergantiños.

PRAZO DAS SOLICITUDES: do 11 de xaneiro ata o 8 de febreiro.

PRESENTACIÓN:

- medios telemáticos coa CHAVE365 ou certificado dixital na aplicación admisionalumnado.

- xeito presencial na sede do CRA por medio do formulario normalizado ED550A

IMPORTANTE: Segundo o artigo 11.2 esta reserva terá carácter vinculante e será incompatible coa presentación de solicitude de admisión noutro centro, salvo renuncia expresa e por escrito presentada no centro de adscrición antes do inicio do prazo de presentación de solicitudes de admisión (1-20 de marzo).

(E dicir, o que desexe praza noutro centro diferente ao adscrito deberá renunciar por escrito á súa reserva de praza)

 NORMATIVA DE APLICACIÓN

Imaxe de teresa

ENTREGA ALIMENTOS A CÁRITAS E A CRUZ VERMELLA

No día de hoxe fixemos a entrega dos alimentos que conseguiron as nenas e nenos nos retos propostos nas aulas. En total, foron 108 kg. de alimentos.

Queremos agradecerlle á comunidade educativa do C.R.A. a súa solidariedade e colaboración coas achegas de alimentos, que se sumaron ao total conseguido nas actividades das escolas.

 

 

 

 

 

Imaxe de teresa

FELICITACIÓN DE NADAL

Este ano estraño, que case toca ao seu fin, sacou o mellor de nós para afrontar unha situación inédita e inesperada que trastocou as nosas vidas dando lugar a unha "nova normalidade" que cada familia vive e sente de maneira diferente.

En todo momento a comunidade educativa tivo unha actitude exemplar, respectando as normas establecidas no centro e sendo responsables coa propia saúde así como coa dos demais. Desde o claustro do C.R.A. Ponte da Pedra queremos agradecervos a vosa colaboración, implicación e comprensión nas diferentes situacións e escenarios que vivimos ao longo destes meses. 

Este centro funciona gracias ao apoio que recibimos por parte de toda a comunidade educativa que fai que os piares que o sustentan se fagan realidade. 

Xa que este ano perdemos de desfrutar do festival de nadal, traémosvos os nosos mellores desexos de prosperidade nestes traballos que con moita ilusión fixeron os verdadeiros protagonistas das escolas: as nenas e nenos do C.R.A. Ponte da Pedra. 

BOAS FESTAS E FELIZ ANINOVO 2021! 

 

 

BUSCANDO UNHA ESTRELA

 

 

 DESEXOS DE NADAL

 

 

Distribuir contido


by Dr. Radut