Skip to Content

Día Internacional contra a Violencia de Xénero

Sáb, 24/11/2018 - 16:40 — admin

 

Co gallo do Día Internacional contra a Violencia de Xénero que se celebra o 25 de novembro, o  alumnado dos centros escolares CPI As Mirandas de Ares e CPI Plurilingüe Virxe da Cela de Monfero, realizaron un vídeo para visibilizar e sensibilizar á comunidade educativa e a toda a  sociedade en xeral, sobre esta data.

Desde os nosos centros adherímonos pois, a todas aquelas iniciativas que suman esforzos e solucións á erradicación da violencia de xénero, na loita contra os malos tratos e no apoio ás vítimas e as súas familias. Apoiamos ás accións que tratan de concienciar ao tecido social e a todas as actividades educativas baseadas na formación en valores para que a sociedade avance no camiño da igualdade, no benestar común e a convivencia que todas e todos queremos.

   
                   

 

Actividades conmemoración día contra a violencia de xénero:
      • Lectura de manifesto (2º ESO)
      • Proxección dos vídeos realizados polo alumnado (Ares-Monfero e 2º ESO da materia Igualdade        de Xénero).
      • Presentación dos diferentes lemas elaborados por cada grupo de alumn@s.
      • Lectura do conto “A cincenta que non quería comer perdices”
      • Presentación do cartel de 3º de ESO e entrega de pegatinas.

CONVIVIR DEPORTIVO: A RADIO GALEGA NO CPI VIRXE DA CELA

Sáb, 24/11/2018 - 16:31 — admin

 

O pasado martes, 13 de Novembro de 2018 de 12:00 a 13:00 horas, retransmitiuse dende o noso centro, o programa da Radio Galega “Convivir Deportivo”, presentado por Alfonso Pardo. Este acontecemento tan importante tiña como obxectivo principal a difusión do Plan Deportivo que se está a levar no noso centro a través do Departamento de E.Física de Secundaria e Primaria, e a inclusión do mesmo dentro do Plan Proxecta, dentro de Centros activos e saudables.

A gravación do programa foi un recoñecemento ademais do traballo do Departamento de E.Física, tamén por ende o propio centro e a colaboración con outros departamentos como o de Bioloxía e co responsable de deportes do Axuntamento de Monfero, de estes anos pasados e en concreto do primeiro posto acadado o ano pasado entre tódolos centros de Galicia, nunha das categorías dentro do mencionado Plan Proxecta.

Todo o profesorado e alumnado do centro asistiu a gravación do programa.

Formaban parte da mesa de entrevistados as profesoras de E: Física de Primaria e Secundaría: Ruth e Teresa, o profesor de Bioloxía David, o técnico do Concello de Monfero Amando e a Directora do Centro: Camino.

Varias alumnas/os formaron parte activa do programa radiofónico, respondendo as preguntas formuladas polo presentador, Alfonso Pardo sobre as diferentes actividades físico-deportivas feitas durante o ano e sobre aspectos da súa propia práctica deportiva.

A gravación do programa, se pode escoitar de novo, en Radio Galega “ Convivir Deportivo”, premendo na imaxe accederedes á páxina:

Sinalar o noso agradecemento o presentador do programa: Alfonso Pardo e a Radio Galega, polo seu programa, que recoñece o traballo dos centros coma nós, pequenos e do rural, e por contar con nós para un dos seus programas, dándonos visibilidade, recoñecendo o noso traballo.

 Foi unha experiencia gratificante e reforza as nosas ganas de seguir traballando.

 
 
 
 
 
 
 
 
 
 
 
 
 
 
 
 

 

MAGOSTO NO CPI VIRXE DA CELA

Ven, 09/11/2018 - 16:51 — admin

O Mércores 31 de Outubro, celebramos no centro o noso Magosto cunha xornada lúdica, coa asistencia de todo alumnado e nais e país e todo o profesorado, Xefatura, Dirección e persoal do centro, organizada polo Departamento de E. Física de primaria a través da súa profesora titular Ruth e coa colaboración do Departamento de E. Física de Secundaria,  a través  do alumnado de Secundaria como  axudantes e colaboradores, xunto co resto de profesorado de infantil, primaria e secundaria.

 

 
A xornada desenvolveuse nas horas da tarde no patio cuberto con un circuíto de xogos populares con temática relacionada co Magosto e as castañas, para os máis pequenos de infantil e primaria, que disfrutaron intensamente dun tempo de lecer divertido e ameno, guiados polos seus compañeiros maiores de Secundaria, que se implicaron de forma moi participativa e polos profesores de ambas etapas. 
 

 
As nosas Xefas de estudos de Primaria e Secundaría: Cristina e Rosalía, entregaron de diplomas polo concurso de portas do Samaín a tódalas etapas educativas.
 
 

 
E a xornada rematou con unha chocolatada feita polos alumnos/as de 3º e 4º co fin de recadar cartos para a excursión de fin de curso.Agradecer a participación a todo o alumnado e os alumnos/as colaboradores, e a todo o profesorado polo seu traballo e implicación.
 

Samaín no Virxe da Cela

Xov, 01/11/2018 - 06:33 — admin

 

 

Gañadores do concurso de portas:

 

1º premio Educación primaria: 5º de EP:

 


 

1º premio ESO: 4º de ESO:

 

 

 

Gañadores do concurso de cabazas:

 

A máis arrepiante: Aroa García Bermúdez, 2º de EP:

 

 

A más divertida: Mara Pico Bouza, 4º de EI:

 

 

 

A máis orixinal: Diego Garabana Tojeiro, 1º de EP:

 

 

A más artística: Martín Amenedo Carballeira, 6º de EI:

 

 

A máis elegante: Aroa Martínez Belda de 6º deº EI:

 

 

Na Biblioteca Castelao seguen a pasar moitas cousas…

Cando se achega o final do mes de outubro, o Samaín comeza a estar presente… Esta festividade que agora rememoramos, ten a súa orixe nas celebracións que o pobo celta vivía durante días para dar remate á tempada das colleitas e dar tamén comezo a un novo ano. Os antigos celtas dividían o ano en dúas metades: unha luminosa, de fartanza, calor e verán , e outra  escura, de escaseza, frío e inverno. No medio das dúas quedaba a noite de Samaín, unha noite máxica na que os espíritos malignos quedaban ceibes e os defuntos visitaban as casas. Nesas celebracións, a través de druídas, contactaban cos ancestros e estes viñan visitar aos vivos…e para guialos colocaban caveiras acendidas nos seus fogares; de aí que agora se conmemore decorando cabazas.

Coa chegada dos romanos e máis tarde do cristianismo a noite converteuse na de Todos os Santos, aínda que pola costa atlántica de Europa pervivíu  a costume de lembrarse dos mortos e a crenza de que as meigas elixían o 31 de outubro para realizar os seus aquelarres.
En Irlanda, as vellas tradicións conserváronse durante toda a Idade Media, e foron os inmigrantes irlandeses os que levaron as vellas costumes aos Estados Unidos. Foi así como esta festa de orixe celta converteuse en Halloween.
 E na nosa biblio andamos entre cabazas, pantasmas e portas terroríficas celebrando o samaín.
 

 Invitámosvos a  visitar o recantiño de lecturas de terror onde encontraredes un montón de libros de medo… medo????, quen dixo medo???. Atrévete a descubrilos!!! 

             

O CPI VIRXE DA CELA NO ACTO DE ENTREGA DE PREMIOS DA RAG

Sáb, 20/10/2018 - 05:56 — admin

 

O martes 16 de outubro de 2018 ás  11:00 horas  alumn@s e profes do noso cole, o Virxe da Cela, asistiron no salón de actos da Real Academia Galega á entrega de premios  Contádenos o voso Día das Letras. Dito galardón, creado pola RAG, ten como  obxectivo coñecer e difundir cómo celebraron o Día das Letras Galegas os centros encargados da educación do alumnado de menor idade, ao abeiro da Primavera das Letras. Este proxecto web da RAG fornece desde 2016 a comunidade escolar de contidos lúdicos e didácticos arredor da figura protagonista do 17 maio desde unha perspectiva interdisciplinaria.
No acto estiveron presentes os tres centros gañadores:
CPI P Virxe da Cela (Monfero)
EEI do Milladoiro ( Ames)
CEIP Anxo da Garda  (A Coruña)
Así mesmo presidiron a xornada Victor Freixanes (presidente da Academia Galega), Francisco Castro (director xeral da Editorial Galaxia), a escritora Fina Casalderrey, Teresa Rocamonde, (responsable de comunicación de Bolanda), Andrea Jamardo (responsable de Urco Editora) e Pedro Ferriol (viúvo da escritora María Victoria Moreno).
 O noso centro apostou pola linguaxe radiofónica. O alumnado de primeiro e segundo gravou un conto inspirado en personaxes das obras de María Victoria Moreno. Pola súa banda o alumnado de 4º de EP realizou un programa dedicado á autora con entrevistas a Eli Ríos, Monste Pena, Francisco Castro, Fran Alonso e Andrea Jamardo, dentro do noso programa de  Radio escolar tan ben levado por Sergio Pascual y Lucía Abarrategui e financiado por Ayuda en Acción e a Fundación Repsol.
Ademais, a xornada tivo un remate  moi especial xa que compartimos co CEIP Anxo da Garda unha xornada de convivencia e xogos no centro coruñes. Ámbolos dous centros levamos tres anos colaborando para achegar realidades culturais e sociais diferentes, pero ao mesmo tempo enriquecedoras, tomando como nexo de unión o apego pola identidade cultural e a revalorización do medio natural como punto de partida para o deseño de actividades compartidas.
 
Parabéns a tod@s polo voso traballo!!!!!
 
Aquí deixamos un vídeo coas imaxes do evento
 

            

Listaxes definitivas da ESO para o reparto de libros do Fondolibros

Mér, 12/09/2018 - 15:02 — admin

 

Listaxes definitivas da ESO para o reparto de libros do Fondolibros

Para 3º e 4º de ESO:

Xa temos publicadas as listaxes cas adxudicacións de libros por alumno/a da ESO na porta de administración. Os libros repartirasen o primeiro día de clase.
Tamén se poden consultar on line no enlace:



 

Para 1º e 2º de ESO:



Lembramos que este ano 1ª e 2ª de ESO non teñen dereito a dito préstamo xa que temos o programa E Dixgal en 6 materias ou máis polo que non precisarán libros de texto en ditas materias. 
Das 3 materias que que sí precisan o libro de texto temos no centro algúns exemplares, pero non suficientes para todo o alumnado no caso de 2º da ESO. Repartiranse  o primeiro día de clase segundo o mesmo orde que estableceu a aplicación Fondolibros o curso pasado.

REUNIÓN DE EDUCACIÓN INFANTIL

Mér, 05/09/2018 - 16:16 — admin

Informamos que a reunión das familias do alumnado de Educación Infantil será o luns 10 de setembro ás 10.00h na aula de UUMM.

Despois dunha recepción común cada grupo irá á aula correspondente ca súa mestra.

Graduación de 4º de ESO 2018

Dom, 01/07/2018 - 08:27 — admin
O pasado mércores 20 celebramos a graduación do alumnado de 4º ESO. Foi un acto cargado de emoción en compañía das familias, profesorado, representantes dos Concellos e Anpa.
Toda a comunidade educativa desexámosvos o mellor para o camiño que empezades agora.
 
Preme na imaxe para ver o vídeo:
 
 
 

Quérote +

Dom, 01/07/2018 - 08:23 — admin

 

Este curso 2017-2018 desenvolvimos o programa Quérote+ co alumnado de 3º de ESO, dentro do Plan Proxecta, a través das horas de titoría coa finalidade de:
- Crear un espazo libre de prexuizos onde mozos e mozas puideran levar a cabo un diálogo aberto sobre sexualidade e relacións interpersoais.
-Reflexionar sobre a vivencia da sexualidade na adolescencia, os roles, a imaxe da sexualidade no noso entorno.
-Identificar os mitos e actitudes asociadas ás relacións de parella e sobre o amor.
-Valorar a diversidade como fonte de enriquecimento persoal e social e como un aspecto favorecedor da convivencia nos centros educativos.
Este é o produto final, esperamos que vos guste e que vos faga pensar!!

 Preme na imaxe para ver o vídeo:



 

I CONGRESO “ALIMÉNTATE BEN” MAIO 2018

Sáb, 09/06/2018 - 04:52 — admin
 
O Venres, 4 de Maio de 2018, no Palacio de Congresos e Exposicións de Santiago de Compostela, os nosos alumnos/as de 3º de Primaria e 1º de ESO, xunto coas profesoras Mercedes D. Sánchez  de Primaria e Mª Teresa Blanco de Secundaría, acudimos o I Congreso “ Aliméntate ben” como centro invitado, para expoñer o noso Proxecto Interdisciplinar conxunto: “ Canalico de cociña: Sabores de cores”, levado a cabo nas materias correspondentes de Primaria e Promoción de Estilos de vida saudable en Secundaria.
 
As nosas alumnas/os mostraron o magnifico traballo realizado durante todo o ano, nas súas correspondentes clases con Mercedes e Teresa, o resto dos centros participantes de toda Galicia, que tamén expoñían as súas experiencias.
 
Ademais de facer unha exposición oral, falando do Proxecto e mostrando vídeos e fotos, tamén elaboraron un stand, para a feira que no mesmo congreso se levou a cabo. No noso stand, que decoraron eles mesmos, con materias feitos polos alumnos/as de Primaria e axuda da profesora Mercedes, puxeron en práctica a elaboración de ricos zumes cardio-saudables, (os alumnos de 1º ESO e 3º de Primaria), elaborados no momento, que ofreceron o resto dos participantes , que visitaron o noso stand, para que os degustaran, explicándolles así mesmo, as propiedades das froitas empregadas e os beneficios dos zumes. Incluso, o Conselleiro de Educación e Sanidade, nos visitou e degustou  un dos nosos zumes.
 

 

A xornada transcorreu tamén, coa visita dos nosos alumnos/as os outros stands e tamén,  a realización de Obradoiros , onde por exemplo, aprendemos a diferenciar o peixe branco do azul, o fresco do que non, a traballar coa pirámide da alimentación, etc.
 

 

Despois de xantar, tamén houbo tempo para o lecer e a diversión e actividade física, xa que pola tarde, o noso alumnado de forma moi activa, tomou parte nas actividades físico-deportivas que se  fixeron, como: cardio-boxing, zumba, relevos por equipos, circuítos, etc. O noso alumnado deixou o “ noso pavillón moi alto!”.

 

 
Despois dunha xornada intensa e moi educativa, onde unha vez máis só temos que sentirnos orgullosos das nosas nenas e nenos, só nos queda darlle os parabéns polo traballo realizado, e agradecerlles a súa implicación e colaboración de parte das profes Mercedes e Teresa, que están moi orgullosas deles.

 

 

Distribuir contido


by Dr. Radut