Becerreá foi o lugar escollido nesta ocasión para xuntar aos centros da montaña co alumnado de ESO para compartir un día de deporte e convivencia. Nesta ocasión tocou pin pon. Acompañados e acompañadas polos profes Benjamín, Sico e Julián as nosas rapazas e rapaces xogaron e compartiron unha xornada con movemento, risas e ata reencontros este mércores 12 de febreiro.

E hoxe 19 de novembro tocounos o turno ás rapazas de 5º e 6º de Primaria que acudimos co profe Benjamín a Cervantes para o XOGADE dos centros da montaña para demostrar as nosas habilidades co badminton e chegamos con trofeo incluído, despois de ter que eliminarnos entre nós en semifinais. O mellor foi compartir un rato cos compis doutros coles e o ben que o pasamos dándolle as raquetas!

Hoxe tocou dentro do programa XOGADE, o campeonato de Hockey sobre patíns en Cervantes. Levábamos entrenando semanas cada vez que tiñamos ocasión, e notouse, as rapazas de Pedrafita e Courel gañaron o campeonato femenino, pero o máis importante foi o ben que o pasamos todos/as.

Este ano en Educación Física iniciamos a práctica do Acrossport en Secundaria e aínda que somos pouquiños en cada clase para poder formar figuras xuntámonos un recreo á semana para traballar todos e todas xuntas e este foi o resultado.

Este ano por fin tivemos a posibilidade de participar nunha carreira de orientación ao grande na cidade de Lugo. Unha experiencia moi divertida e para repetir máis veces! Grazas a Silvia a nosa profe de Educación Física por falar coa organización do Club Fluvial para poder facer realidade esta oportunidade.