Non só os e as maiores se foron a Lugo, as nenas e os nenos de Educación Infantil ata 3º de Educación Primaria visitamos a cidade Lucense para ver unha obriña de Teatro (A Caixa de música) no Auditorio Muncipal Gustavo Freire, en compaña dos profes Lorenzo e Ana e do colexio de As Nogais.

A nosa orientadora, Rosa, organizou para o xoves 2 de maio, unha vista aos Centros Integrados de Formación Profesional.

 O venres 26 de Abril os rapaces e as rapazas do noso cole e do CPI Doutor Daniel Monje de Navia de Suarna vixemos unha longa viaxe para converternos en mariñeiros por un día.

Con motivo da celebración do Día Internacional do Libro, o profe de Ciencias Sociais, Javi, montounos unha exposición sobre os libros que se utilizaban antes nos centros escolares dende principios do século XX ata os da Ensinanza Xeral Básica.

Ao fin despois de moita neve conseguimos facer a excursión a Lugo para ver unha obra de teatro sobre o camiño de Santiago Francés, esta vez non puido ser en inglés como nun primeiro momento planeamos pero a obra encantounos e arrancounos unhas boas risas.

O pasado venres 5 de abril os alumnos e alumnas de Infantil e Primaria visitamos a Feira de Gando de Pedrafita acompañados polos titores e titora. O tempo non nos permitiu facer outras actividadades como poder probar o polbo e visitar os postos da Feira.

O pasado venres 22 de marzo, a punto de empezar as vacacións de Semana Santa, celebramos o día da árbore no cole, tanto primaria como secundaria, facendo a nosa pequena contribución plantando unha árbore entre todos e todas.

Con motivo do Día Internacional da Muller este ano decidimos facer unha homenaxe ás mulleres deportistas, especialmente aquelas que chegaron ás Olimpíadas, despois de que este pasado verán as deportistas españolas gañaran 11 das 17 medallas para España.

Pouco a pouco iremos publicando os 20 novos menús diferentes aprobados para o curso 2012- 2013. Estes menús prentender proporcionar unha alimentación variada e equilibrada, ademais de ensinar hábitos de alimentación saudables.