No día de hoxe tivemos a primeira asamblea do proxecto Erasmus, xunto cos nosos socios portugueses e italianos. Foi mediante unha videochamada, para vernos as caras por primeira vez, presentarnos e arrancar coas primeiras actividades deste curso. Seguro que vai a ser unha grande experiencia!

O pasado venres tivo lugar a recollida de roupa e calzado usado promovido pola Campaña Solidaria Mariola en colaboración con Proxectos de Global Humanitaria en India.

Na fotografía pódese ver ao representante da Asociación co director do noso centro no momento da entrega.

Moitas grazas pola vosa participación e por poñer o voso gran de area nesta boa causa.

A noticia da desaparición de dous namorados unha noite de Samaín chegou ao noso cole. Mira atentamente:

No día de hoxe o director do centro fixo entrega ao alumnado das sudaderas subvencionadas polo Concello de Pedrafita en colaboración coa Xunta de Galicia e o Xacobeo 21-22.

Así poderán lucir e promocionar o noso Concello e o Camiño de Santiago nas distintas etapas que se realizarán ao longo do curso.

Moitas gracias ás institucións participantes polo agasallo.

O luns 25 de outubro tivemos un obradoiro de instrumentos tradicionais do camiño, enmarcado dentro do programa Actividades no camiño e promoción do Xacobeo 2021-2022, impartido por Xosé Maceda, músico do Incio, organizado polo Concello de Pedrafita do Cebreiro e no que colaboran a Xunta de Galicia e o Xacobeo 21-22. 

Este venres deu comezo o Club de Ciencias coa actividade da "acetona molona", onde o alumnado de Educación Primaria achegouse ao pensamento científico e puido establecer hipóteses sobre o comportamento do poliestireno expandido, máis coñecido como porexpan, ao contacto ca acetona. Por suposto tomáronse todas as medidas de seguridade.