Esta semana, tivemos a sorte de formarnos no bo uso das novas tecnoloxías e aprender sobre a ciberseguridade, da man de Ramón Peña, formador do Plan Director. Para calquera dúbida en torno a este tema, podedes consultar a web do INCIBE, contactar a través do teléfono gratuíto 017 ou a través das redes sociais do noso formador: ColeGC.  Por suposto tamén co centro educativo.

Por fin, despois de tanto tempo, temos un logo personalizado para o noso cole, moitas gracias Javi polo deseño!!

O pasado venres 3 de decembro tivemos unha visita moi especial. Dúas nais do centro, en representación do Concello, trouxeron uns agasallos no eido da campaña Pedrafita pola igualdade, Xacobeo 21-22. Graciñas!

O pasado luns 29 conmemoramos o día contra a violencia de xénero no noso centro. O acto comezou coa lectura dun manifesto por parte de Carla, a alumna de 4º. Despois, todos os alumnos deixaron a súa pegada no nome de todas as vítimas de violencia deste 2021. Por outra banda, as alumnas Sofía Carrete e Laura Viña representaron A piragua, unha peza teatral pertencente ao libro Media vida de Candido Pazó.

O pasado venres o alumnado de Educación Infantil e Primaria fixo unha visita a Queixería Castelo, onde puideron coñecer os procesos de fabricación dos queixos de denominación de D.O.P. Cebreiro. Logo fixeron os seus propios queixos que puideron degustar xa no cole. 

Os pasados días 25 e 26 de Novembro, o alumnado da ESO fomos de viaxe a Vigo para participar do X Foro de Investigación Xuvenil. Neste encontro participaron colexios de toda Galicia e Cataluña. Nel o alumnado presentou os traballos de investigación que estivera a realizar durante o curso anterior.

O día 24 de novembro puidemos gozar dunha nova sesión de maxia e ciencia co Mago Paco. Trucos, sorpresas, contos e moita imaxinación para pasar un rato do máis divertido aprendendo cousas novas. Grazas e ata outra!

Este martes 16 de novembro, os alumnos de cuarto, quinto, sexto de Educación Primaria e Primeiro da ESO acudimos ó rocódromo do Pazo de Feiras e Congresos de Lugo para iniciarnos na escalada. 

https://www.lavozdegalicia.es/noticia/lugo/2021/11/20/estudiantes-pedraf...

O pasado luns oito de novembro realizamos a nosa segunda etapa polo Camiño Francés a Santiago. Uns poucos menos de quilómetros, pero un remate de etapa absolutamente encosto que estivo a piques de nos deixar sen alento. O día nos acompañou cun ceo absolutamente azul e unhas temperaturas axeitadas para unha andaina intensa.