O día 23 de febreiro no tino Grandío festexamos o día de Rosalía, a nosa poeta máis universal. E fixémolo coa lectura dos seus poemas, cantando...e sobre todo lembrando esta figura tan sobranceira das nosas letras.

Festexamos as nosas letras de moitas maneiras. Nesta ocasión, tivemos a sorte de contar ca presenza dunha extraordinaria contacontos: Fátima Fernández. Nenos e nenas, dende infantil ata primaria, ficaron enfeitizados polas historias que percorreron o territorio da nosa biblioteca.

Este ano escollemos unha maneira especial de celebra-las nosas letras. Para iso, contamos coa colaboración de Mini e Mero que nos ofreceron un fermoso concerto nun tamén fermoso escenario: O Mosteiro de Ferreira de Pallares.

Grazas aos que fixeron posible este inesquecible día.

E para compartilo con tod@s, deixamos un breve video, resumo das moitas sensacións vividas.

Un ano máis o CPi Tino Grandío estivo presente no Correlíngua. Alumnado de 3º,4º,5º e 6º de primaria celebrou na compaña doutros centros da provincia esta festa da língua, da nosa língua, baixo o lema: O galego. Sen cancelas

O pasado 5 de maio fomos a Outeiro de Rei, patria de Manuel María de Hortas. Alí, na súa casa, na sede da Fundación que leva o seu nome, achegámonos a esta figura senlleira da nosa cultura. Este ano 2016 é o ano de Manuel María, pero nós pedimos e queremos que tódolos anos sexan anos para lembrar, para escoitar, para ler, para estudar...a este xigante das nosas letras. Grazas Manuel María por todo o que nos deixaches, por todo o que loitaches e por todo o que nos aprendeches... por todo, grazas.

O xoves 5 de maio, en horario escolar, visitaremos a Casa Museo de Manuel María, escritor chairego ao que se lle dedica este ano o Día das Letras Galegas. Co gallo deste acontecemento, traballaremos previamente sobre a vida e obra deste egrexio autor galego. 

A esta visita acudirán nenos e nenas de 6º de Primaria, do Clube de Lectura de Primaria e da ESO, e todo o alumnado de 4º da ESO.