881 86 70 01
MATERIAL ESCOLAR PARA O CURSO 23-24 INFANTIL E PRIMARIA
Listaxes de material escolar para alumnado de Infantil e Primaria para o curso 2023-2024.
Ficheiros adxuntos:
- LISTA DE MATERIAL 4º INFANTIL.pdf
- 82.23 KB
- LISTA DE MATERIAL 5º INFANTIL.pdf
- 81.16 KB
- LISTA DE MATERIAL 6º INFANTIL.pdf
- 55.17 KB
- Material de aula 3º Primaria.pdf
- 68.51 KB
- Material 4º Educación primaria.pdf
- 30.74 KB
- Listaxe de Material 5º EP .pdf
- 138.66 KB
- Material para 6° de Educación Primaria definitivo.pdf
- 97.79 KB
Publicación de listaxes definitivas de Fondo Libros e emisión de vales para libros e material escolar
Hoxe publícase a listaxe definitiva de alumnado beneficiario do préstamo de libros de texto de Fondo Libros (3.º e 4.º de Primaria), que pode consultarse no taboleiro do centro e máis na aplicación da Consellaría. Nelas pódese ver tanto o número como as materias dos exemplares asignados.
Por outro lado, a partir de mañá martes 11 poden recollerse na administración do centro os vales para material escolar e para libros de texto (1.º e 2.º de Primaria e alumnado con NEE).
APERTURA DO PRAZO DE ADMISIÓN DE MEMBROS DA COMUNIDADE EDUCATIVA COMO COLABORADORES VOLUNTARIOS NA ATENCIÓN DO COMEDOR ESCOLAR PARA O CURSO 23-24
Dende hoxe ata o 8 de setembro permanecerá aberto o prazo de admisión de solicitudes dos membros da comunidade educativa para actuar como colaboradores voluntarios nas tarefas de atención e apoio ao alumnado usuario do comedor escolar durante o curso 2023/2024.
Poderán desenvolver esta tarefa:
-
nais, pais, titores legais ou acolledores familiares de alumnos/as que estean cursando no curso 2023-2024 estudos no centro docente respectivo. Estas persoas non poderán desempeñar as funcións de colaboración no comedor durante dous cursos escolares consecutivos.
Ou, con carácter excepcional, por non existir persoal funcionario e laboral da Xunta de Galicia, nin colaboradores directos dispoñibles previstos ordinariamente en número
suficiente:
- outros familiares dos alumnos comensais, ex-colaboradores deste servizo, persoal relacionado coa comunidade educativa (conserxes, persoal limpeza), así como persoal que participe en programas de voluntariado social (Concellos, ONGs).
As persoas interesadas en colaborar co comedor escolar deberán presentar a súa solicitude na administración do centro ou enviala por correo-e a cpi.san.vicente@edu.xunta.gal antes do 8 de setembro de 2023.
As listas provisionais de seleccionados pecharanse no momento no que se cubra o número de colaboradores necesarios e o Consello Escolar aprobe a súa idoneidade.
O importe do complemento por servizos extraordinarios que percibirá o persoal docente e non docente do centro ou da compensación económica polos gastos de dedicación e desprazamentos xerados pola colaboración no comedor que percibirán os membros da comunidade escolar (nais, pais titores legais ou acolledores familiares do alumnado), será de 12,50 € por día de asistencia efectiva ao comedor, con independencia do número de quendas de comedor existentes.
Para máis información sobre as instrucións relativas ao comedor escolar no curso 2023-2024, pódense consultar as Instrucións de comedores de Xestión Directa para o curso 2023-2024, no documento adxunto.
Ficheiros adxuntos:
Autodeclaración comedor escolar curso 2023-2024
Xa está a disposición das familias o impreso de autodeclaración para o comedor escolar.
Nos arquivos adxuntos tedes as instrucións de comedor para o curso 23-24, o modelo a cubrir e as aclaracións para o cálculo da renda anual familiar.
Pregamos que as familias entreguen o impreso no centro, de xeito presencial ou a través de correo electrónico (cpi.san.vicente@edu.xunta.gal) antes do 31 de xullo, para a adxudicación de prazas e a organización do comedor.
Ficheiros adxuntos:
- aclaracions_autodeclarac_comedor.pdf
- 98.06 KB
- AUTODECLARACION_comedor.pdf
- 281.26 KB
- Instrución 2-2023 XD_vfin.pdf
- 392.27 KB
Publicación das listaxes provisionais de Fondo Libros (3.º e 4.º de Primaria)
Hoxe publícase a listaxe provisional de solicitudes admitidas e excluídas da participación do fondo solidario de libros de texto, que no noso centro só afecta a 3.º e 4.º de Primaria.
Todas as solicitudes foron admitidas, aínda que algún solicitante recibe 0 libros. Podedes consultar a listaxe a través da aplicación Fondo Libros, ou no taboleiro do centro.
O prazo de reclamacións é de 2 días hábiles, é dicir, os días 4 e 5 de xullo.
A listaxe definitiva publicarase o día 10 de xullo, xunto coa lista de beneficiarios das axudas de material escolar. Os vales poderanse recoller a partir do día 11 de xullo.
Libros de texto curso 2023-24
Publícanse as listas de libros de texto para o vindeiro curso, que poden consultarse no taboleiro do centro e nos arquivos anexos.
Para Ed. Infantil non se estableceu material didáctico impreso.
Atención! Para a ESO e algúns cursos de Primaria recoméndase esperar a setembro para comprar os libros, confirmando co profesorado se se van utilizar ou non. Vai indicada a recomendación nas propias listas dos cursos afectados.
Ficheiros adxuntos:
- listas libros Primaria
- 1.84 MB
- listas libros ESO
- 1.37 MB
MATRÍCULA CURSO 2023-24
Debe formalizar matrícula:
- Alumnado que se escolariza por primeira vez (4.º Infantil)
- Alumnado de Infantil e Primaria procedente doutro centro
- Todo o alumnado de ESO
PRAZOS:
- Ed. Infantil e Primaria: do 20 ao 30 de xuño
- ESO: do 23 de xuño ao 7 de xullo
Documentación:
Sobre de matrícula, que o alumnado de ESO recibirá canda os boletíns de notas finais e para o alumnado novo no centro estará dispoñible en administración a partir do día 16 de xuño.
O sobre conterá a seguinte documentación, debidamente cuberta:
- Impreso de matrícula de EI e EP ou de ESO
- Folla de autorizacións
- Autodeclaración da renda para comedor escolar (se o solicita e se no momento da matrícula xa foi publicada pola Xunta).
Ademais:
Usuarios excepcionais de transporte:
- Solicitude de uso do transporte escolar
Alumnado novo no centro
- Solicitude de parada de transporte escolar
4.º Ed. Infantil
- Cuestionario sobre a lingua materna do alumnado
ESO
- Folla de achega para fotocopias (5 €)
- Só para 3.º e 4.º: folla de pago do Seguro Escolar (1,12 €)
Atención! Non se admitirá ningunha matrícula se falta algunha da documentación requirida ou non está debidamente cuberta.
Manuel Landeira, in memoriam
Vimos de ter coñecemento do pasamento do mestre e compañeiro Manuel Landeira, e dende o colexio no que tan duro traballou coma docente e director, queremos rendirlle unha sinxela e sentida homenaxe.
Landeira, tal e como o coñeceron alumnado e familias, veu traballar á Baña como mestre da escola unitaria de Lañas, na cal se ocupaba dos nenos, nun tempo en que o alumnado estaba segregado por sexos.
Cando se produciu en 1976 o agrupamento escolar de todo o alumnado disperso polas diferentes unitarias das 15 parroquias do noso concello no novo colexio de San Vicente, Landeira incorporouse ao mesmo xunto con moitas e moitos outros mestres, que estrearon edificio escolar e tamén a ilusión dun novo proxecto educativo que liderou coma director ata 1988, ano en que decidiu continuar a súa labor docente noutro destino.
Moitas son as veciñas e veciños, agora pais e nais do noso alumnado, que recordan con admiración e cariño a Landeira, como o recordamos tamén as docentes e agora xa ex-alumnos e alumnas do CPI que participamos na creación da película documental Facendo Escola, un percorrido pola historia da educación no noso concello, no cal colaborou xenerosamente Manuel Landeira, contándonos as súas experiencias coma mestre, tanto na unitaria de Lañas coma no colexio integrado de San Vicente, dos cales gardaba un fermoso e grato recordo.
Pensamos que non hai mellor homenaxe que recordar as súas palabras no noso documental e con el expresar o noso cariño e acompañamento aos seus familiares e amizades neste día de despedida.