881 86 70 01
Prazo de admisión curso 2024-25: do 1 ao 20 de marzo
Desde o día 1 e ata o 20 de marzo permanecerá aberto o prazo de solicitude de admisión nos centros escolares para o vindeiro curso 2024/25, para todo o alumnado que entra por primeira vez no sistema educativo (maioritariamente en 4º curso de Educación Infantil), así como para aqueles alumnos de Educación Infantil, Educación Primaria e ESO que desexan cambiar de centro escolar sempre que haxa prazas dispoñibles.
Unha vez pechado o prazo de solicitudes, as listas provisionais de admitidos e excluídos publicaranse antes do 25 de abril, as definitivas antes do 15 de maio e os prazos de formalización de matrícula serán do 20 ao 30 de xuño para os alumnos de Infantil e Primaria e do 23 de xuño ao 7 de xullo para os de ESO e Bacharelato.
A Consellería de Educación pon á disposición das familias unha ferramenta informática, a aplicación admisionalumnado, que posibilita que os proxenitores cubran a solicitude na aplicación e poidan presentala de forma presencial no centro, ou por vía electrónica a través da propia aplicación.
Os impresos estarán dispoñibles en papel no centro, e tamén en admisionalumnado, xunto con toda a normativa relacionada.
Ademais, será requirida a seguinte DOCUMENTACIÓN:
- Copia do libro de familia ou documento equivalente onde figure o/a alumno/a e os demais membros computables da unidade familiar.
- En caso de separación ou divorcio, deberán achegar ademais a sentenza xudicial de separación ou divorcio e/ou o convenio regulador onde conste a custodia do menor.
IMPORTANTE: Lémbrase que, de acordo co artigo 26 da Orde do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión:
"A existencia dunha solicitude de admisión presentada en prazo sen renunciar expresamente á anterior, así como a existencia dunha solicitude de admisión sen ter renunciado á praza reservada en día 28 de febreiro, poderán ser causa de perda do dereito a participar no procedemento".
AVISO PARA ALUMANDO QUE SOLICITOU RESERVA DE PRAZA PARA 1.º BAC NO IES XULIÁN MAGARIÑOS (NEGREIRA)
O IES Xulián Magariños de Negreira, centro de adscrición do CPI de San Vicente, informa de que de momento non dispón de postos escolares suficientes para atender todas as solicitudes de reserva para 1.º de BAC recibidas para o curso 2024-25, á espera de que a Consellaría de Educación lle conceda unha ampliación da oferta de prazas.
Conforme o artigo 30 da Orde do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos:
"Cando os postos escolares dispoñibles en reserva non fosen suficientes para atender todas solicitudes, [...] todo o alumnado deberá presentar necesariamente a solicitude de admisión."
Polo tanto, o alumnado que solicitou reserva de praza no IES Xulián Magariños debe presentar solicitude de admisión entre o 1 e o 20 de marzo, indicando ata seis (6) centros por orde de preferencia e mais os criterios de admisión que pretenda que se lle valoren (é aconsellable marcar na solicitude a autorización para consultar renda, DNI, discapacidade, etc.; tamén sería conveniente achegar, como mínimo, o libro de familia e o certificado de cualificacións de 3.º de ESO).
O formulario normalizado (ED550B) será facilitado na secretaría do centro e tamén estará dispoñible na Sede Electrónica da Xunta de Galicia, na aplicación Admisionalumnado (Solicitudes>Admisión>Crear), e na páxina web da Consellaría de Educación. A solicitude dirixirase ao centro solicitado en primeiro lugar e deberá ser presentada ou ben electronicamente, ou ben de forma presencial.
Publicación da listaxes de alumnado co posto reservado e de vacantes para o curso 2024-25
Anúnciase a publicación no taboleiro do centro a listaxe de solicitudes de reserva, de acordo coa Orde do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.
Asimesmo, publícase a listaxe de prazas vacantes para o vindeiro curso 2024-25.
Avanzamos que o prazo de presentación de solicitudes de admisión para alumnado novo será do 1 ao 20 de marzo.
Ficheiros adxuntos:
- vacantes.pdf
- 82.66 KB
ENTROIDO CASTREXO 2024
O vindeiro venres 16 de febreiro, o cole da Baña celebra o seu Entroido Castrexo.
Animádevos a participar!!
No documento adxunto tedes todas a información sobre horario, actividades e vestimenta.
Ficheiros adxuntos:
- entroido castrexo 2024.pdf
- 290.3 KB
Concurso de carteis para o 8M
Desde a Consellería de Educación convócase, un ano máis, o concurso de carteis para o 8 de marzo, Día Internacional da Muller. Amósanse a continuación as normas xerais de formato dos carteis e inclúese un código QR que enlaza ás bases do concurso. Animádevos a participar!
Inicio do procedemento de admisión para o curso 2024-25: fase de reserva de praza en centros adscritos
O día 15 de xaneiro de 2024 inícianse os trámites do procedemento de admisión de alumnado en centros docentes sostidos con fondos públicos (código ED550A), coa fase de reserva de praza nun centro de adscrición para alumnado que cambia de etapa.
Deberán formalizar a reserva de praza:
-
O alumnado do CRA de Coristanco-Santa Comba (no que se integra a Escola de Lañas) que desexe cursar 1.º de Primaria ou 3.º de Primaria no CPI de San Vicente.
-
O alumnado de 4.º ESO do CPI de San Vicente que desexe cursar 1.º BAC no IES Xulián Magariños (Negreira).
O resto do alumnado de momento non ten que realizar ningún trámite.
O prazo de solicitudes é do 15 de xaneiro ao 5 de febreiro de 2024, ambos incluídos.
O formulario normalizado será facilitado na administración do centro e tamén estará dispoñible na sede electrónica da Xunta de Galicia, na aplicación Admisionalumnado (Solicitudes>Reserva>Crear), e na páxina web da Consellaría de Educación. Deberá ser presentado ou ben electronicamente, ou ben de forma presencial no centro de orixe.
As listaxes de alumnado admitido publicaranse antes do día 22 de febreiro e estarán dispoñibles no taboleiro do centro e na aplicación Admisionalumnado.
Información para solicitar o Bono Deporte
Estimadas familias,
Para solicitar o Bono Deporte para as súas fillas e fillos terán que entrar no enlace (https://www.bonodeporte.gal/). Ao introducir os datos do neno ou nena pediranlles o identificador xogade que pode solicitar o alumnado no centro educativo.
Decoración de Nadal
Así de ben quedou o colexio despois de toda a decoración que trouxo o alumnado.
Moitas grazas pola vosa colaboración!
Bo Nadal e felices festas!
Ficheiros adxuntos:
- image00005.jpeg
- 53.04 KB
- image00006.jpeg
- 47.41 KB
- image00007.jpeg
- 57.41 KB
