Protexe aos animais

VÍDEO DIDÁCTICO

Dende o departamento de Plástica e Visual e dentro do Proxecto do Centro que este ano ten como tema o cine, realizouse a grabación dun vídeo didáctico que pretende sensibilizar ao respecto do trato aos animais. Foi realizado polo alumnado de 3º de ESO e contou coa colaboración do profesor de Lingua Francesa e unha actriz moi especial. Sopa, ese é o seu nome, dá vida a Troski no vídeo ao que podedes acceder dende o enlace ao final da páxina.

Mentres tanto unhas de fotos do momento da grabación.....

De volta ao centro, o alumnado de 4º de ESO recibiu a Sopa e deulle mimos todos cantos quixo...ela encantada.

 

ENLACE AO VÍDEO

DE NOVO "ARDEN" O NOSO PAÍS

 
 

 

O martes día 26 de marzo, con motivo do incendio que se iniciou onte no concello de Dodro  e que arrasou o concello de Rianxo, o alumnado e profesorado do centro reuniuse no exterior do recinto dende onde se podía ver a columna de fume e o monte ardendo, para colocar unha pancarta como rexeitamento ao problema dos incendios. Ao remate do acto, versos escritos polo alumnado relacionados co tema dos incendios forestais que elaboramos o curso pasado co motivo do Proxecto de Centro sobre o monte, foron lidos. Tamén colocamos eses mesmos  versos na fachada principal do edificio. Mostramos a nosa repulsa, impotencia, rabia e tristura  contra estes actos que asolan ano tras ano os montes do noso país e pedimos ás autoridades competentes que tomen medidas para que non teñamos que realizar máis actos coma este.
 

Arden as altas árbores, atardecer.

Botan berros de bruma e brasas.

Campías comestas cubertas de cinza,

Chans chorosos, cheiro a charamusca.

Días destruídos: dor, desesperanza.

Eucaliptos esfollados espallan esterilidade.

Fume funesto fumiga a fraga,

Gritos grises nas gorxas dos gorrións.

Hecatombe de hectáreas, herdo histórico.

Impotencia infestada, inútil ilusión.

Lume letal, loito da lúa,

Medo e morte manifestándose no monte.

Noite negra, neboenta e nostálxica,

Outro outono de odioso ocaso.

Piñeiros pedindo perdón polos pecados,

Queixumes queimados, queixándose quedos.

Rumorosos de ramas roídas, rabia.

Salvaxe sacrilexio sen sentido.

Tolemia, traxedia, tempo de tristura;

Utopía ultraxada ao unísono.

Vergoña. Vida que se vai co vento.

Xenocidio. Xente xemendo xustiza.

Zume zugado. Zona zero.

 

 

 

LOITAMOS CONTRA A VELUTINA

Coma en moitas partes do noso país, en Dodro tamén temos o problema da  Vespa Velutina. Nesta época recoméndase colocar trampas para capturar ás raíñas e impedir que fagan novos niños mitigando  un pouco o efecto perxudicial que este insecto ten sobre outras especies autóctonas.

O alumnado de 1º de ESO, concienciado con este problema, construiu as trampas usando botellas de plático que serán colocadas no centro e tamén nas respectivas aldeas onde residen estes alumnos e alumnas.

 

CONSELLOS BÁSICOS PARA PROPIETARIOS DE ANIMAIS

A coordinadora do Plan Proxecta será a encargada de impartir unha charla ao alumnado de secundaria sobre consellos básicos para conseguir que os nosos animais de compañía estean ben atendidos. Estes consellos tratarán sobre entorno, saúde e benestar, vacunación e desparasitación, comportamento, alimentación e identificación e esterilización segundo os folletos traballados xa en 6º de primaria e facilitados ás familias a través da biblioteca de pais....

O alumnado de 2º de ESO fará ademais un traballo na área de Lingua Castelá con textos relacionados coa temática de coidados básicos cos animais xeriátricos. Nesta mesma área e dentro do Plan Proxecta traballará o alumnado de 1º de ESO na elaboración de contos sobre o maltrato animal.

......en canto teñamos máis información publicarémola..

AXUDÁMOSLLES A PASAR O INVERNO

Dende o Departamento de Tecnoloxía e en colaboración co profesorado e alumnado de primaria eo Departamento de Ciencias Naturais de secundaria, iniciamos unha actividade que consiste na construción de comedeiros e caixas niño para paxaros. O alumnado de 1º de ESO e parte do alumnado de primaria encargaranse de identificar as especies que se acheguen aos comedeiros e que ocupen os niños e de repoñer o alimento cando sexa preciso. Unha mostra dos comedeiros:

 

   


O alumnado de Tecnoloxía de 4º de ESO elaborou os comedeiros. Construíron dous modelos diferentes que foron colocados polo mesmo alumnado no exterior do centro.  

 

 

RECOMENDACIÓNS PARA O NADAL

O alumnado de secundaria recibiu charlas orientativas con recomendacións para ter unhas vacacións de Nadal sostibles. Tamén se tratou o tema do maltrato animal que pode xurdir do feito de regalar animais como agasallos navideños.


NON SON XOGUETES!

 
 
 
 Aproveitando que se achega o nadal e con el os agasallos, en 6º de primaria, reflexionamos sobre o lema "Os animais non son xoguetes" visionando varios vídeos e curtas de concienciación sobre a seriedade, responsabilidade e involucración que implica ter animais.
 
 
Ademais, realizamos unha dinámica de lectura conxunta, estrenando un dos exemplares que chegaron novos ao centro para estares informados sobre os coidados e atencións que estes requiren ao longo das diferentes idades. Poderemos atopar estes exemplares na biblioteca do centro e na biblioteca para pais/nais e informarnos máis en profundidade.
 
 
 
 E lembremos, "nestas e noutras datas, non son xoguetes, nin antoxos pasaxeiros!
 

EDUCANDO

A educación para evitar abandonos e maltrato aos animais é indispensable. Por este motivo, no noso centro queremos ofrecer información ao alumnado e ás familias facéndolla chegar a través da biblioteca de pais/nais  e do traballo co alumnado nas aulas. Os dous exemplares facilitados pola clínica veterinaria Sanimalia de Pontecesures que figuran nas imaxes serán os que se lles ofrecerán aos pais e nais e os que se usarán para traballar este tema co alumnado.



SENSIBILIZAMOS

 

Proxectando vídeos coma este tratamos de sensibilizar ao alumnado no trato aos animais de compañía. Esperamos e confiamos en que, mostrando respecto e cariño polos animais consigamos educar no respecto cara ás persoas.

ENLCACE VÍDEO

 

CHARLA

Onte recibimos a visita dunha asociación que veu impartir unha charla sobre comportamento animal. A charla non foi todo o productiva que esperabamos xa que a nosa pretensión era utilizar a os contidos adquiridos na mesma para desenvolver  e traballar a o lema da campaña deste curso e tamén para elaborar un vídeo que trata sobre o tema do comportamento dos cans pero os contidos impartidos non foron de todo axeitados.

Pese atodo achegáronse con varios cans e cadelas que tiñan en adopción e cos que o alumnado de 6º e da ESO desfrutou un montón. Na galería tedes fotos que así o demostran.

GALERÍA DE FOTOS

Powered by Drupal - Design by artinet