Centro

Este artigo foi empregado para introducir un xogo de escape de Samaín que fixemos co alumnado de ESO na tarde do martes 31 de outubro. No xogo desenvolvemos actividades de: lóxica, retos lingüísticos, matemáticos, puzzles, tangram, origami, música, arte e moito máis, podedes ver máis fotos no Instagram co Club de Ciencia.

Esta tarde de martes 31 de outubro no CPI Plurilingüe O Cruce está sendo algo complicada... Mentres o profesorado estaba comendo castañas do magosto e o alumnado ultimando detalles dos disfraces de Samaín, un feixe de zombis chegaron a Cerceda e asaltaron o recinto do cole invadindo algúns dos seus espazos. Os xornais xa publican a fatal noticia...

O pasado venres 14 de abril o alumnado de 2º ESO participou nunha charla sobre compostaxe impartida por Sogama en colaboración co Concello de Cerceda no marco do programa Res4VALOR. Aprendemos todo o necesario para poñer en marcha o noso composteiro que instalaremos nos vindeiros días para tratar de producir o noso propio fertilizante a partir dos residuos orgánicos, xerados a partir das merendas nos tempos de lecer, para abonar os cultivos do horto escolar do centro.

Co gallo da celebración do Día da Muller, o vindeiro mércores 8 de marzo, o equipo de biblioteca do centro entrevistou na radio escolar do CPI Plurilingüe O Cruce a dúas mulleres de Cerceda: María e Marta de edades diferentes. Falaron de estudos, traballo, sociedade no seu conxunto... reflexionando sobre os tempos de antes e os de agora no día a día das mulleres, esperamos que vos guste e que sirva como punto de partida de bos debates o podcast que elaboraron e que compartimos a continuación:

Grazas ao equipo de biblioteca polo seu traballo e a Marta e María por visitar a nosa radio e por compartir con nós as súas vivencias.