Skip to Content

Infantil

Traballa na casa Infantil

PROPOSTA 40. FELIZ VERÁN!

Queridas familias!

Que artistas sodes! Aquí vos vai a recompilación de landart e os debuxos cos nosos mellores desexos para este verán, desfrutádeo moito sendo responsables, para que en setembro poidamos volver á escola do mellor xeito posible.

Unha aperta enorme!

Audición e Linguaxe. Xoves 18 de xuño.

 

Ola bichiños!!!

 

Pois hoxe si que si...última entrada!

 

Aquí vos deixo o enlace para ver a nosa última aportación deste curso ao blogue. https://ptealcpicernadasdecastro.blogspot.com/2020/06/todo-o-bo-se-acaba-pero-isto-continua.html

 

Todo queda dito aí, pero quero recalcar o contentas que estamos as profes co voso traballo e o moito que vos imos botar de menos este verán… aproveitade para disfrutar e descansar moito!

 

Vémonos pronto!

 

Milleiros de biquiños e apertas.

 

Fátima.

Audición e Linguaxe. Martes 16 de xuño.

 

Ola bichiños!!!

Como estades? Hoxe, para ir rematando xa coas actividades dende o blogue propoñémosvos una actividade moi interesante para traballar a atención e a pronunciación de palabras, botádelle un ollo aquí: https://ptealcpicernadasdecastro.blogspot.com/2020/06/pero-ti-es-igual-ca-min.html

 

Ademais, quero contarvos unha cousa…a Señora Lingua está moi disgustada porque pensaba que non se ía poder despedir de vós en condicións pero…estamos argallando algo para que poidades verbos de novo, estade atentas e atentos ao blogue o xoves!!!

 

Biquiños a moreas!

 

Fátima.

PROPOSTA 39. O CURSO CHEGA A SÚA FIN!

Queridas familias,

Co comezo desta semana remata este curso cun final tan inesperado como amargo para todos e todas. A situación que estamos a vivir impídenos facer un fin de curso en condicións, toda a comunidade educativa ansía unha normalidade que nunca chegou e que teremos que adiar a setembro.

Estamos seguros/as de que a espera vai valer a pena, non so en termos de seguridade e a saúde, senón porque o reencontro vai fortalecer os vínculos que os nenos e nenas teñen establecidos entre eles e cos mestres.

            Estamos moi tristes por ter que finalizar o curso desta maneira, pero á vez moi agradecidos pola vosa axuda, colaboración e comunicación con nós ao longo destes meses. MOITAS GRAZAS!

            Para que todos nos quedemos cun bo sabor de boca e seguindo á vosa disposición para o que necesitedes, o que vos propoñemos esta semana é moi sinxelo. Debedes pedirlle aos nenos/as que fagan un debuxo sobre o cole, envialo ao noso correo e rematar este curso cunha recompilación das vivenzas que deixamos de vivir estes catro meses no centro. Para que teñamos debuxos de todos os nenos e nenas de infantil, deixámosvos toda esta semana (enviádenolo antes do xoves 18) e subirémolo o venres. Animádevos! Apertas.

PROPOSTA 38. LAND ART (III)

Ola! Chegou o día da intervención final. Co bosquexo e debuxos que deseñastes e cos materiais que recollestes, so tedes que darlle forma á vosa obra de arte.

            Estamos ansiosos e ansiosas por coñecela, así que non esquezas enviárnola ao correo. Coas que recibamos, faremos unha presentación que compartiremos con vós o venres da semana seguinte para que todos poidades ver o artistas nos que vos convertestes.

            Feliz fin de semana!

Audición e linguaxe. Xoves 11 xuño.

 

Ola!

 

Hoxe no blogue de PT e AL traémosvos unha actividade moi divertida para repasar a pronunciación dos fonemas S e Z e a súa diferencia, botádelle un ollo aquí:https://ptealcpicernadasdecastro.blogspot.com/2020/06/e-se-facemos-un-batido.html

 

Pedide axuda a un adulto sempre que sexa preciso se hai algunha imaxe que non recoñecedes, e practicade moito!!!

 

Ánimo que xa non queda nadiña para que cheguen as vacacións de verán!

 

Biquiños a moreas.

 

Fátima.

PROPOSTA 37. LAND ART (II).

Boas de novo!
Agardamos que vos gustasen o movemento land art e algunha das propostas que hai na rede, que son un montón e cada unha máis bonita que a anterior. Se aínda non buscastes un pouquiño de información, é o momento de botar un ollo para sacar ideas. Como foi a recollida de materiais?
A proposta de hoxe consiste en que, tendo diante os materiais que recollestes, tentar que os nenos fagan un bosquexo ou idea aproximada do que ides crear o venres e o debuxen. As posibilidades son innumerables, pois van dende persoas, animais, obxectos, debuxo abstracto, paisaxes...o que eles queiran. Animádevos!

Audición e linguaxe. Martes 9 de xuño.

 

Ola pequerrech@s!

 

Hoxe queremos compartir con vós unha historia que desprende moita tenrura. Trátase do conto de “Bebé bigotes”… de que credes que tratará? Nós nunca vimos un bebé con bigotes a verdade… e vós?

 

Ide ver o conto ao noso blog: https://ptealcpicernadasdecastro.blogspot.com/2020/06/bebe-bigotes.html

 

 

Díxonos un paxariño que estades a traballar co Land Art… si os velliños do conto coñecesen este movemento seguro que facían un bebé ben chulo!

PROPOSTA 36. LAND ART (I)

Boas familias! O Land art é unha corrente de arte contemporáneo que emprega materiais da natureza (madeira, terra, pedras, area, vento, rochas, lume, auga..) así como o marco da paisaxe natural para desenvolver as súas obras artísticas.

            Esta semana imos centrarnos en traballar con este movemento, propoñéndovos varias tarefas que nos permitan o venres crear unha obra de land art cos pequenos e pequenas. Deixámosvos dúas páxinas web, unha con información sobre land art e outra con exemplos de creación.

 

INFORMACIÓN SOBRE O MOVEMENTO: https://rz100arte.com/arte-ninos-land-art-crear-la-naturaleza/

Exemplos: https://www.pinterest.es/ferdemestres/land-art-art-de-la-terra/

            O único que tedes que facer, polo momento, é investigar un pouquiño sobre o movemento e realizar unha ou varias saídas ao entorno próximo. Tedes que recoller elementos naturais (paus, pedras, follas, froitos, flores…) que vos vaiades atopando e que nos servirán para a elaboración final.

PROPOSTA 35. NA CASA, COAS MELLORES GALAS!

Que tal familias? Relaxados ou non, sabemos que nestes días de confinamento os pequenos e pequenas están a quitarlle o máximo partido aos disfraces e complementos que teñen na casa. É por iso polo que na proposta de hoxe propoñémosvos a creación dun complemento máis para este xogo tan enriquecedor: unhas gafas!. Seguindo os pasos deste vídeo (https://www.insta gram.com/p/B_Pg1fEDPTw/?igshid=jf6l68qm32tj e coa vosa axuda sairán unhas gafas que eles decorarán ao seu gusto empregando un cartón de papel de baño. Esperamos poder ver algunhas! Un biquiño grande e feliz fin de semana!.

Distribuir contido


by Dr. Radut