CPI Plurilingüe Cernadas de Castro

O pasado venres 2 de febreiro unha delegación de 41 alumnos desprazouse ata o Campamento do Loreto no Porto do Son para disputar a fase comarcal de Cros escolar, nunha mañá soleira o noso alumnado disfrutou moito das 4 carreiras nas que participou, cuns resultados variados quedaron clasificados para a seguinte fase intercomarcal o seguinte alumnado:

• Infantil feminino: Cayetana García Recarey de 6º EP.
• Infantil masculino: Roi Agrelo González de 1º ESO.
• Cadete feminino: Aleixa González de la Fuente de 2º ESO.
• Cadete masculino: Pedro Sóñora Paz de 2º ESO.

A seguinte fase celebrarase o 23 de febreiro no Estadio de San Lázaro en Noia.

O alumnado de 4º ESO, da man da súa profesora de Lingua Galega, homanexean a Castelao, no seu día.

Esta semana as inspectoras de facenda Remedios Vázquez e Ana Tomé viñeron ao noso centro para falarlles ao alumnado de 4º ESO e 5º e 6º de Primaria sobre aspectos fiscais. A actividade constou dunha charla con exemplos prácticos da vida real sobre o funcionamento do noso sistema fiscal e sobre o financiamento do Estado do Benestar. 
Esta charla encádrase dentro das actividades sobre educación cívico-tributaria financiadas pola Unión Europea para concienciar sobre responsabilidade fiscal.

No contexto do Grupo de Traballo de Cidadanía do Nodo galego de ciberseguridade CIBER.gal, grazas á colaboración de APDTIC, empresa adherida a CIBER.gal, e Amtega, entidade fundadora de CIBER.gal  organízase unha sesión formativa gratuíta dirixida ao persoal e dirección das ANPAs, persoal docente dos centros educativos e país, nais ou e titores/as legais.

Esta actividade  ten como finalidade concienciar ás ANPAs e ao persoal docente do ámbito educativo, da gran cantidade de datos persoais que manexan, onde un mal uso dos mesmos o un descoido pode provocar fendas de seguridade que poñan en risco datos de colectivos protexidos como son os menores de idade. Á súa vez, ofrecer recursos e boas prácticas para fomentar a privacidade e a seguridade na relación das ANPAs cos centros educativos e os pais, nais e titores legais.

O formato da actividade será online, o próximo 23 de xaneiro ás 17:30, cunha duración de 70 minutos. As inscricións están abertas a través do seguinte enlace.

O desenvolvemento da sesión seguirá a seguinte estrutura:

• Protección de datos no ámbito educativo

Relación das ANPAS cos centros educativos

Relación das ANPAS cos pais ou titores/as legais e alumnos/as

Datos persoais identificativos, económicos, de carácter social, profesional e imaxes

Consentimento expreso, aspecto clave

Dereitos en materia de protección de datos

A figura do Delegado de Protección de Datos

Fendas de seguridade

• Casos prácticos:

Tratamento e publicación de imaxes

Promoción e participación en actividades

Uso de mensaxería instantánea (WhatsApp)

Redes sociais

• Recursos AEPD - Ámbito educativo

Os departamentos de Tecnoloxía e Xeografía e Historia organizaron onte luns 15 de xaneiro unha visita ás minas de San Fins para coñecer mellor a historia do patrimonio industrial do Concello de Lousame. A técnica de cultura do mesmo, Teresa Sobradelo, explicoulle ao noso alumnado de 3º e 4º ESO as orixes históricas das minas así como diferentes aspectos relacionados coa explotación das mesmas a través do tempo. 

Esta visita permitiulle ao noso alumnado reflexionar sobre as implicacións sociais, culturais e ambientais da explotación da mina en Lousame e na súa contorna. 

Moitas grazas ao Concello pola súa colaboración.

IR Á GALERÍA DE IMAXES

A reserva de praza é só para o alumnado deste propio centro que vai seguir estudos aquí para o ano seguinte, ou para alumnado de 4º ESO que vai continuar estudos no IES Virxe do Mar (centro ao que estamos adscritos)

 PERIODO DE RESERVA DE PRAZA

 Do 15 de xaneiro ao 5 de febreiro de 2024

 Documentación:

 ANEXO I para que o alumnado de 4º ESO poda cumprimentar a súa reserva. 

A reserva de praza para os centros adscritos poderá facerse telemáticamente a través da aplicación "admisión alumnado".  (Ligazón)

 SOLICITUDE DE PERMANENCIA para o alumnado que o vindeiro curso continuará estudos no centro.

 PERIODO DE ADMISIÓN

Para alumnado que non está actualmente matriculado no centro o período de admisión abranguerá dende o 1 ao 21 de marzo de 2024.

 ACCESO WEB CONSELLERÍA

O pasado 5 de decembro nos desprazamos ao Estadio de San Lázaro en Noia para participar na 1ª xornada de CROS escolar enmarcado dentro do programa XOGADE. Acudimos á cita un total de 44 alumnos e alumnas das categorías infantil e cadete.

Preme no seguinte enlace para ver as CLASIFICACIÓNS da proba e na foto para ver o álbum de imaxes.

Álbum: Curso 2023/2024 -> Cros de Noia