Skip to Content

Comer e rañar!

O martes 7 de novembro visitou o centro Óscar Vidal, cociñeiro do restaurante Asador O Pazo. O restaurante foi galardoado cunha estrela Michelín no ano 2022.

Esta visita forma parte do proxecto "Comer e rañar" que está a traballar o alumnado de 5º de EP. Este proxecto xira ao redor das profesións relacionadas coa cociña, no marco do PDI de centro que esta curso denomínase: "Que quero ser"

Na primeira parte da actividade Óscar falou da súa traxectoria como cociñeiro. Ao rematar a mesma o alumnado entrevistouno sobre aqueles aspectos que lle espertaban máis curiosidade.

Como sobremesa realizouse un obradoiro onde aprenderon a elaborar un petisco doce do menú do seu restaurante chamado "Peido de lobo".

Queremos agradecer a Óscar a súa participación desinteresada no noso proxecto.

Álbum: Curso 23-24 -> Comer e rañar

Magosto e Samaín no CPI

O día 31 de outubro celebrouse no centro o Magosto e o Samaín de maneira conxunta.

Empezamos a mañá practicando xogos tradicionais. O alumnado da ESO exerceu de organizadores e monitores do alumnado de 1º a 5º de Educación Primaria. Por outra banda, o alumnado de 6º de EP exerceu de padriños e madriñas do alumnado de Infantil.

Na segunda parte da mañá o alumnado de EP participou en obradoiros de distintas temáticas: "Sinte o medo", "Canapés terroríficos", "Catrinas" e "Cabazas, pantasmas e esqueletos" ; o alumnado de Infantil dunha obra de teatro e o alumnado da ESO practicou os xogos tradicionais.

Por último, pasamos a degustación de castañas e demos por rematada a festa.

Álbum: Curso 23-24 -> Magosto e Samaín

Scape room terrorífico

O martes 31 de outubro o alumnado da ESO foi encerrado no centro e tivo que superar un terrorífico SCAPE ROOM para poder saír.

Dividíronse en dez equipos formados por alumnos e alumnas dos diferentes cursos. O obxectivo era superar probas de distintos ámbitos (linguas, científicas, artísticas, deportivas) coas que acadar bonificacións e conseguir puntos para lograr que o gardián da entrada lles permitise a saída.

Ao final ninguén quedou a durmir e foi unha entretida tarde onde non faltou a diversión, ademais foron premiados os tres equipos que conseguiron máis puntos.



Álbum: Curso 23-24 -> Scape room

Colaboración co centro de día: Actividade I

O venres 27 de Outubro o alumnado de 5º de EP visitou aos usuarios do centro día para facer a primeira das actividades previstas durante este curso.

Esta actividade: "Presentación para xerar vínculos" consistiu en realizar unha dinámica de presentación a través da creación dun mural representativo con nome e gustos de cada un dos participantes.

 

Álbum: Curso 23-24 -> Centro de día (Presentación)

Calendario de exames de materias pendentes de ESO

Durante a semana do 6 ao 10 de maio de 2024 realizaranse as probas finais de recuperación de materias pendentes de ESO.

Podedes ver o calendario facendo clic no seguinte enlace:

Calendario de pendentes

 

Proposta de actividade para o 25N: Non quero ser maltratador Non quero ser vítima.

 

Estimadas familias:

Como este ano o tema do centro é Que quero ser, pensamos que para o 25N, Día Internacional contra a Violencia de Xénero sería boa idea reflexionar sobre o que NON queremos ser.

Queremos ofrecerlles ao noso alumnado modelos positivos de relacións afectivas, para que as teñan de referencia. E cremos que nada mellor para iso que encontren condutas positivas entre as persoas que coñecen, as máis achegadas: familia e veciñanza.

Por iso facemos esta proposta: gravarmos un vídeo colectivo en que as adultas da escola digamos dúas frases: non quero ser… e quero ser… na que recollamos actitudes negativas (non quero ser) e positivas (quero ser) perante unha relación amorosa, como neste exemplo:

 Non quero ser controlador/a vs. Quero ser respectuoso/a coas amizades da miña parella

O vídeo resultante de todas as gravacións será proxectado nas aulas do centro o día 24 de novembro, véspera da conmemoración.

O que vos pedimos é o que segue.

  • Dous vídeos, un coa frase negativa e outro coa positiva.

  • Formato horizontal

  • Se pode ser, un primeiro plano con fondo branco, para lle dar unidade á proposta (se non pode ser, non pode ser).

  • Que enviedes os vídeos ao mail abibliodarosi@gmail.com antes do 5 de novembro, incluíndo os nomes que queredes que aparezan na edición final.

 Para as que teñades dúbidas ou curiosidade, achegamos unhas notas que vos poden axudar a pensar as vosas frases: https://drive.google.com/file/d/1D_f570yCD4DiKkI4ak1v8RBJHl9hTTMT/view?usp=sharing.

 Agardamos que entre todas e todos deamos sacado adiante esta proposta. Pensamos que podería ser moi positiva para as nosas crianzas.

Xornada de Campo a través (Programa XOGADE)

O día 11 de Outubro, na contorna das piscinas municipais de A Estrada, a xornada de campo a través do programa XOGADE. Participou alumnado do cole desde 2º de Educación Primaria ata 3º da ESO. Competiron con alumnado de colexios e institutos de Moraña e A  Estrada.

 

Álbum: Curso 23-24 -> Campo a través zonal

Día non lectivo.

O Centro permanecerá pechado o venres día 13 de outubro de 2023 por ser este un día non lectivo.

Vísita ao rádar meteorolóxico do monte Xesteiras

Un curso máis, o pasado xoves 28 de setembro visitamos o rádar meteorolóxico do Monte Xesteiras (Cuntis). Trátase dun roteiro lineal de sendeirismo que atravesa o monte por unha pista desde Magán (Cuntis) ata o rádar, e logo volve de regreso ata o punto de partida. Unha vez no rádar, percorremos co alumnado de 4º ESO as súas instalacións e os técnicos de MeteoGalicia explicáronnos o seu funcionamento e a información que nos achega para elaborar a predición meteorolóxica.

Álbum: Curso 23-24 -> Visita ao rádar Metereolóxico do Monte Xesteiras

Inspección de Outono do río Gallo

 O pasado martes 26 de novembro o alumnado de 1º ESO B realizou unha saída ao río Gallo para coñecer o seu "estado de saúde".

 Acompañados pola profesora de Bioloxía e Xeoloxía e por Paco Brañobre, o educador ambiental da asociación ecoloxista ADEGA, que é a que coordina o Proxecto Ríos, analizaron diferentes parámetros: características físico-químicas (ph,nitratos,..), a flora, fauna (presencia de macroinvertebrados), o caudal, os impactos medioambientais, etc. que determinaron que a calidade da auga do río é boa.

Álbum: Curso 23-24 -> Inspección do Río Gallo
Distribuir contido


by Dr. Radut