Téxtil, confección, FP,

PREMIOS DEMO DAY 2020-2021 "DEPOEMPRENDE NA FP"

A Deputación de Pontevedra entrega os premios Demo Day, cuxo obxectivo é promover o lanzamento de proxectos emprendedores impulsados polos estudiantes de formación profesional, tanto de ciclo medios coma de ciclos superiores, a través dun proceso participativo, competitivo e secuencial que permite identificar e apoiar proxectos cun potencial desenrolo.

 

Nesta xornada Demoday, os participantes dos nove proxectos finalistas presentados ó concurso por parte de seis centros de la provincia, entre eles o CIFP Manuel Antonio, deron a coñecer as súas propostas, todas elas inclusivas e respectuosas co medio ambiente, no acto celebrado no salón de plenos do Pazo Provincial de Pontevedra.

 

Neste curso 2020-2021 en DepoEmprende na FP participaron seis centros de formación profesional da provincia e 225 estudantes, que chegaron a traballar nun cento de proxectos.

 

A nosa alumna do Ciclo Superior de Patronaxe e Moda Paloma Ugarte García obtivo o segundo premio, de 500 euros, na que presentou unha marca de roupa sostible baixo a firma Paloma Ugarte. Paloma axuda a persoas que, sen ter coñecementos previos no sector téxtil, queiran crear as súas prendas dende as súas casas sen renunciar a ir á moda. Consígueo a través dunha elaboración de kits con todo o preciso para crear unha prenda propia e converter as ideas de deseño dos clientes en realidade tanto en tecido como en lá. Estes kits chámanse “Sew it Yourself” coseo ti mesmo e “Knit it Yourself” téceo ti mesmo. Constan de patrón escalado do talle solicitado comprendido entre os talles 38 a 46 (pódense ampliar os talles), ilustración ou fotografía do deseño a realizar, os materiais necesarios para a súa elaboración, conceptos básicos do sector como que é un piquete e para que se emprega...., que é un patrón, un trade..., recomendación na elección dos tecidos ou da lá tendo en conta a sostibilidade, e unha lista de fases para a confección da prenda acompañada de explicacións e ilustracións.

 

Noraboa Paloma por este premio tan merecido, moi boa idea e moi bo traballo.

 

O proxecto "depoEMPRENDE na FP" ten como reto que o alumnado, a través dunha metodoloxía de ensino-aprendizaxe, realice o estudo e a elaboración dun proxecto empresarial. Cada un dos centros educativos participantes, ao finalizar este, deberá realizar a presentación daqueles proxectos seleccionados no acto final Demo Day. No seguinte enlace podedes ver a exposición de Paloma no canle Youtube. A exposición de Paloma comeza no minuto 54 e remata no minuto 1h:02

 

 

Como apoio para a súa presentación, Paloma empregou unha blusa feita por ela para o seu proxecto de emprendemento.

 

 

Enlaces ás noticias publicadas sobre os premios

 

Deputación de Pontevedra:

 

https://www.depo.gal/web/edepo/-/directo-presentacion-demo-day

 

Pontevedra Viva:

 

https://pontevedraviva.com/xeral/73944/deputacion-emprendemento-demoday-depoemprende-premios/

 

Comarcas na Rede:

 

https://www.comarcasnarede.com/e-noticia/a-deputacion-reconece-o-talento-da-mocidade-da-fp-da-provincia-na-entrega-dos-premios-depoemprende/

 

Xornal de Vigo e comarcas:

 

http://xornaldevigo.gal/vigo-e-contorna/68448-a-deputacion-reconece-o-proxecto-dun-centro-de-vigo-nos-premios-depoemprende-na-fp/

 

Faro de Vigo:

 

https://galego.farodevigo.es/pontevedra/2021/04/15/demoday-premian-talento-joven-fp-48382354.html

 

 

 

O PROXECTO: Lupis & Lupis

 O PROXECTO DE LUCÍA

 

Lucía presenta o seu proxecto Lupis & Lupis onde a creatividade, orixinalidade e exclusividade, son o seu selo persoal como xa se ve reflexado no logotipo da empresa. O amor polo animal print , é decir polos looks  arriscados, fortes e con visibilidade, prendas atrevidas e femininas.

Nace dunha necesidade propia xa que Lucía ten un estilo de vestir bastante definido e gústalle vestir prendas diferentes. Ela considera que outras marcas non ofrecen ,nin a mesma calidade, nin a mesma creatividade nas prendas que ela quere ofrecer.

 

Aínda que está dirixida a un grupo de persoas bastante amplo, tampouco son prendas para todo o mundo xa que as persoas que vistan prendas de Lupis & Lupis, tanto por formas coma polas cores, irán diferentes ó resto da xente. A idea de Lucía é que calquera prenda que cree, soamente hai unha prenda por talle. Sobre todo diríxese a un público bastante novo e que precisa ir diferente dentro das tendencias actuais da moda.

 

A elección do nome, Lupis & Lupis, foi bastante persoal, xorde fai varios anos atrás cando Lucía participou no seu primeiro desfile e tiña que escoller un nome para a roupa que presentaba. Lupis é como adoitan chamar a Lucía no seu ámbito familiar, de aquí saíu a idea da marca Lupis & Lupis, unha marca de roupa adaptada a persoas que buscan algo creativo, para persoas atrevidas que buscan exclusividade.

 

Presenta un mini vestido con pinzas nas costas e no dianteiro, con tul branco drapeado sobre un tecido base estampado, forrado con vistas entreteadas e cremalleira invisible no centro traseiro. Escote corazón no dianteiro e recto nas costas. Mangas ¾ abullonadas na copa cortadas en tul negro. O puño ten dous cortes e unha peza de tul branca drapeada sobre unha base de tecido negra dobre. Nos ombros leva un vivo elástico negro para axustar as mangas.

 

O PROXECTO: ANA GONZÁLEZ

 

O PROXECTO DE ANA GONZÁLEZ

 

Tras observar o problema que supón mercar unha prenda cun elevado custe para un evento e non poder despois empregala para o día a día, Ana decide dar unha solución e crear a marca co seu propio Ana González. Este tipo de prendas non son de uso cotiá, o cal é un gasto moi elevado para usar unha vez a prenda e despois gardala no armario. Para iso Ana da a opción de ter dúas prendas nunha e poder xogar con ela.

 

A marca Ana González nace a partir dunha idea de transformar as formas e cores da natureza e levalas ás prendas, xa que a natureza xa engloba unha gran variedade de formas e cores que forman parte da súa inspiración. Os deseños que propón Ana abarcan dende prendas de festa para muller ou roupa casual pero que tamén pode levarse a diferentes eventos engadindo diferentes complementos.

 

O que diferenza á marca Ana González, son a inspiración das prendas na natureza, e os usos das prendas xa que tras percibir os problemas destes derradeiros anos, os clientes non queren gastar moito para usar poucas veces unha prenda, para iso Ana elabora prendas para diferentes eventos.

 

Presenta un vestido inspirado na planta silvestre “Digitalis purpurea” coñecida na zona onde vive Ana coma “Estralo” e que no resto de Galicia é coñecida polos nomes “Abeluria”, “Alcroque”, “Belitroques”, “Croque”, “Estralotes”, “Herba da cobra”, “Borleta“, “Milicroque“, “Estraloque“, “Bilitroque”, “Campaniña”, “Sanxoans” ou “Seoane”. É moi común que os nenos xoguen con ela, apertando a parte aberta da flor ca man dereita (asegurándose que non haxa ningunha avespa), e coa esquerda facela estralar, emitindo esta un son. O que lle chama a atención a Ana desta planta para inspirarse nela é a cor chamativa da súa flor, interior con manchas brancas, marrón e amarelo, e a forma acampanada da flor.

 

Presenta un vestido axustado curto, con manga raglán abullonada e forrada. Corte debaixo do peito con traslado das pinzas no dianteiro, na parte inferior pregues tombados cara ós costados, baixo con vista e dobradillo dobre. Nas costas, no centro, peche no colo con dous botóns e cremalleira invisible, costadillo redondo e pinzas no talle na parte inferior,  baixo con dobradillo dobre. Manga raglán de gran amplitude, con moito frunce e forro interior sen fruncir para que realce o efecto fruncido no exterior. Puño con vivo e axustado con tres botóns. Colo cisne con cruce e peche con dous botóns. Petos nas costuras dos costados.

 

 

 

 

O PROXECTO: AnotheR UniversE

 O PROXECTO DE SANDRA MARIÑO

Os gustos persoais de Sandra M., na hora de vestir, van máis polo estilo alternativo, coma o gótico, no que lle encanta somerxerse nos vestidos vitorianos longos escuros, con moitos detalles no seu corsé, cun aire de romanticismo ou de bruxería, tal como se inspira a ilustradora Victoria Francés. Tamén outros coma o grunge, emo; aínda que, decántase máis polo estilo urbano xaponés, no que tamén atópanse moitas sociedades diferentes, coma por exemplo: o visual kei, o cosplay, Lolitas (goth lolita, classic lolita, sweet lolita,...), etc. É dicir, estilos que no noso país son minoritarios, no que o factor da compra en liña (online) é chave para poder comprar roupa destes estilos. A maioría destas marcas pertencen a outros países, ou traballan a un nivel industrializado no que o tallaxe é moi pouco variado, facendo que (en parte) a algúns compradores teñan unha “pequena” sensación de inseguridade o mercar online. Outro factor que Sandra M. ten en conta é, a contaminación. Cada vez estamos máis concienciados no tema, pero aínda así o comercio online cada vez é máis grande. Con isto, Sandra quere poder apoiar o comercio (a ser posible) a nivel nacional, para así reducir custes de emisión de CO2 polo transporte.

 

A proposta de Sandra M. é AnotheR UniversE, “outro universo”. Elaborou o proxecto e defendeuno en galego. Esta idea emprendedora xorde dunha necesitade tanto propia, como a de darlle a este público unha oportunidade máis de atopar o que queren e que estea preto deles, polo menos, a nivel nacional. Será adicado ós xéneros da moda alternative fashion, no que vai máis centrado ás tribos urbanas coma o gótico vitoriano, urbano, cosplay e lolitas. Por outra banda, a personalización de prendas para este xénero ou colaborar con algún artista local ou nacional (de ilustración con inspiración manga) que sexa seguidor destes xéneros para crear deseños novos para complementos, camisetas ou abrigos. Tamén dar a oportunidade de facer roupa a medida e de axustar algunha medida no tallaxe da prenda a través da tenda online ou física.

 

O seu slogan é “Be Yourself” ( “se ti mesmo”).

 

Presenta un conxunto formado por unha blusa e unha saia fruncida con corsé aberta no centro dianteiro. O corsé ten peche con botóns e varillas de 1cm nas costas e de 0’5cm nos demais cortes colocadas no forro. O cruce no dianteiro traspasa un sobre o outro. Os picos que ten o corsé no frontal, adornan e danlle forma e, só son exteriores, pola parte de dentro (forro) vai recto. Baixo rematado con puntada invisible a man. Nas esquinas do baixo van rematadas e pechadas a máquina facendo inglete nos picos e peche da vista. Petos simples. A etiqueta coa razón social e coidado do tecido van na parte de dentro enganchado ó corsé no centro traseiro.

 

A blusa vai abotoada no centro dianteiro, manga xaponesa, volante con pregues cortado noutro tecido facendo contraste, rematado cun encaixe no escote. Escote rematado con vistas interiores entreteadas.

 

PROXECTOS FINAIS CICLO SUPERIOR PATRONAXE E MODA CURSO 2019-2020

Os alumn@s do Ciclo Superior de Patronaxe e Moda realizan o proxecto no que demostran todo o que aprenderon nestes dous anos que dura o ciclo. Eles mesmos simulan o proceso de creación dunha empresa e despois pasan a elaboran os deseños das prendas, de seguido realizan os patróns e cortan e confeccionan o prototipo, este próbano e realizan os arranxos oportunos, para conseguir unha prenda perfecta. Paralelamente van elaborando as fichas técnicas: deseño en plano, táboa de medidas, patróns, carta de escala, listado de pezasmodelos-marcadas, lista de fases, esbozo prenda e táboa de medidas da prenda rematada e escandallo da prenda. Unha vez que as prendas son aprobadas, elaboran as escalaxes e marcadas. Todo o proceso de creación da empresa, deseño dos modelos, elaboración dos patróns, corte, confección e rectificación dos patróns fano eles mesmos, supón un grande esforzo. Por último teñen que expoñer e defender o seu proxecto perante un tribunal formado polo equipo docente do Ciclo Superior de Patronaxe e Moda.  

Este curso ven marcado pola pandemia que estamos a padecer, a Covid-19. Os alumn@s do Ciclo Superior de Patronaxe e Moda deste curso aprazaron as prácticas da FCT máis o proxecto para as convocatorias xuño-agosto e setembro-decembro para poder ter unhas FCT reais nas empresas. Dende aquí moitas grazas ás empresas colaboradoras xa que nestes complicados momentos foron quen de colaborar na formación dos nosos alumn@s. 

Neste curso Ana B., Irene, Laura, Sandra S e Sandra M elaboraron e defenderon o seu proxecto en galego. 

Tamén podedes ver máis fotos dos proxectos no instagram patronaxemoda  

https://www.instagram.com/patronaxemoda/ 

A continuación presentamos os proxectos feitos polos alumnos, tamén fotos dos nosos alumnos/as posando cos seus proxectos ademais de patróns, escalados e marcadas feitos co programa informático Lectra PGS-MODARIS V12.  

Indice

 

 Logo
Logo
 

Logo

Logo
Logo
Logo
Logo 
  Logo   

 

 

Distribuir contido