O pasado 3 de febreiro celebramos unha xornada dirixida ao alumnado de Química na que tivemos a oportunidade de achegarnos ao mundo da empresa da man de profesionais de empresas do sector.
Margarita Collazo, responsable de Recursos Humanos de AkzoNobel, orientounos sobre como afrontar o proceso de busca de emprego e que erros debemos evitar.
A continuación, Antonio Rodríguez e Iago González, do departamento de producción de Syngenta, guiáronnos nunha visita virtual polas instalacións desta empresa biotecnolóxica, fabricante de agroquímicos.
Na quenda de tarde, tivemos a oportunidade de escoitar a Ruth Castro, de Vithas Lab que nos fixo un repaso das actividades que levan a cabo nas diferentes divisións do laboratorio.
E para finalizar Sandra Ulla, investigadora do CYTMA, Centro de Tecnoloxías Avanzadas de Investigación para a Industria Marina e Alimentaria, falounos dos procesos de innovación que desenvolven para dotar ás empresas do sector de produtos e procesos mais competitivos.
