Neste curso, alén de revisar a lexislación relevante, tentaremos propor estratexias de intervención educativa para os diferentes tipos de NEAE, ben como procedementos de diferenciación curricular no ensino das linguas estranxeiras (contidos, metodoloxía e avaliación). O bloque central do curso presentará o modelo DUA e a planificación de secuencias didácticas partindo desa referencia. A formación concluirá cunha sesión de experiencias inclusivas na aula de idiomas.
