EDLG
DÍA MUNDIAL DO MEDIO AMBIENTE
Enviado por Anónimo o Mér, 02/06/2021 - 22:31" REIMAXINA, RECREA, RESTAURA"
O Equipo de Biblioteca e EDLG acordaron celebrar o Día Mundial do Medio Ambiente. Este venres, de 10 a 11.30 horas todos os grupos asistirán por quendas de 15 minutos a unha breve charla explicativa a cargo de José María Viñas, artista de vocación e autor do "BRICORROBOT", feito con material de refugallo. Nas aulas faranse distintas actividades relacionadas co coidado e conservación do noso planeta.
"Semana das Letras Galegas 2021"
Enviado por Anónimo o Sáb, 29/05/2021 - 13:27Deixámosvos esta recompilación das actividades ralizadas na "Semana das Letras Galegas 2021" dedicada a Xela Arias. (Desprazádevos para abaixo na barra lateral dereita para velas todas; clicande no cadrado para velas a pantalla completa.)
I Maratón Poético da Radio Sequelo
Enviado por josean o Ven, 28/05/2021 - 12:00Por mor do día das Letras Galega, dedicadas este ano a Xela Arias, tódalas aulas do centro participaron neste Maratón de Poesía Galega centrado na figura de Xela Arias e así na radio, oíronse poemas da autora, pero tamén de moitos outros autores galegos
1º B: Xela Arias e "O río" de Xoan Neira
1º A: Xela Arias e "O Arco da Vella" de Manuel María
4º: Xela Aria
6º B: "Cantiga de Amigo" de Joao Zorro, "O Alleado" de Manuel María e "Cantigas Populares" de Antón Fraguas Fraguas.
2º: Xela Arias e "A lúa" de Manuel María.
3º: Xela Arias, "Darío a Diarío"
5º A: "Burla Negra" e "Paseante" de Xela Arias
5º B: Xela Arias e "A casa de había unha vez" de Ana Mª Fernández
6º B: "Poema" de Xela Arias na revista Neboeiro
6º A: "Intemperiome" de Xela Arias e "A fala" de Manuel María
Maio Xeitoso
Enviado por josean o Mér, 26/05/2021 - 23:50Entre todo o traballo que levamos feito este ano, sempre se nos quedan cousas no tinteiro, como foi o caso deste Maio Xeitoso. Pero...nunca é tarde para amosar o talento dos nosos rapaces.
Polo pan...
Enviado por josean o Mér, 26/05/2021 - 23:00Polo pan... disque fala galego calquera larpán e seica máis por unha televisión.
MASCARILLAS GALICIA
Enviado por josean o Mér, 26/05/2021 - 22:31Quen di que a decadencia da nosa lingua non ten solución? Logo da brebaxe Verdello, veñen as mascarillas Galicia. Pura inmersión lingüística. Mascarillas Galicia, equivalen a un CELGA 4.
VERDELLO
Enviado por josean o Lun, 24/05/2021 - 22:23Eu xa o probei. Faino ti. So ten unha contraindicación: FALARÁS GALEGO.
ENTREVISTA A XELA ARIAS
Enviado por josean o Lun, 24/05/2021 - 21:28As rapazas de 6º A viaxaron no tempo, a finais dos 80, para entrevistar case que en directo a Xela Arias e co material que sacaron, elaboraron esta fermosa "Entrevista Literaria".
L. GALEGAS 2021. TRUQUE MATRUQUE. "UNHA TERRA CHEA DE..."
Enviado por Anónimo o Ven, 21/05/2021 - 19:25TRUQUE MATRUQUE (Marcos Acuña) púxolle música aos contos. Ofreceunos hoxe o seu espectáculo "Unha Terra chea de..." en tres sesións, no exterior. Deste xeito rematan as actividades da Semana das Letras Galegas 2021.
Namentras un pobo cante na súa lingua esta permanecerá viva.
L. GALEGAS 2021: MARATÓN POÉTICO EN RADIO SEQUELO
Enviado por Anónimo o Xov, 20/05/2021 - 22:52Como xa sabedes no cole temos unha estación de radio, Radio Sequelo. Este ano, debido á situación de pandemia que estamos a vivir non puido prodigarse moito nas súas emisións. Aproveitando a Semana das Letras Galegas quixemos poñer nas "ondas" un novo programa, o "Maratón Poético" . Nenos e nenas de todos os cursos irán pasando pola radio para gravar a lectura dun poema de Xela Arias e doutros/outras poetas. Proximamente anunciaremos a súa emisión dixital. Esperamos que vos guste.
LETRAS GALEGAS-2021. DIVERTIDA SESIÓN DE CONTOS CON BENXAMÍN MÍGUEZ
Enviado por Anónimo o Xov, 20/05/2021 - 22:31Na SEMANA DAS LETRAS GALEGAS hoxe os alumnos de 1º, 2º, 3º e 4º pasámolo estupendamente escoitando os contos que nos trouxo Benxamín Míguez. Entre outras, ofreceunos a verdadeira historia do Ratiño Pérez. Ademais, tamén ilustrou "en vivo e en directo" estas historias cuns debuxos ben simpáticos, e mesmo algúns tiveron a sorte de que os retratase no mural.
XXV CERTAME "FRANCISCO AÑÓN" DE POESÍA
Enviado por josean o Mar, 18/05/2021 - 19:00Froito do Taller de Escritura Creativa, do que daremos boa conta noutras entradas, son estes poemas cos que tanta sorte, tiveron os nosos alumnos neste Certame de Poesía onde participan centros de toda Galicia.
CERTAME DE NARRACIÓN CURTA DO CONCELLO DE MARÍN
Enviado por josean o Mar, 18/05/2021 - 17:35Por mor do 17 de Maio, día das Letras Galegas, o concello de Marín convoca o Certame de Relato Curto das Letras Galegas. Entre os premiados unha ampla representación do noso colexio:
PROGRAMA LETRAS GALEGAS 2021
Enviado por Anónimo o Ven, 14/05/2021 - 23:52Este ano o CEP Sequelo celebra o Día das Letras Galegas organizando unha serie de actividades culturais para ensalzar a figura da poeta homenaxeada, XELA ARIAS.
Dada a situación de pandemia e o protocolo existente, as principais actividades vanse levar a cabo no exterior respectando os grupos burbulla e, por suposto, uso da máscara, distancia persoal e hixiene de mans.
Rap de Xela Arias (3º primaria)
Enviado por Menchi o Mér, 12/05/2021 - 13:03Os nenos de terceiro estivemos coñecendo a biografía de Xela Arias; autora homenaxeada polas letras galegas, e cos datos máis importantes escribimos este rap. Esperamos que vos guste.
Día das Letras Galegas 2021: Xela Arias
Enviado por Anónimo o Xov, 06/05/2021 - 17:38Deixamos esta recompilación con información relativa a Xela Arias, autora á que se lle dedica este ano o Día das Letra Galegas.
Día do Libro 2021: Como cambiou o conto!
Enviado por Anónimo o Mér, 05/05/2021 - 17:02Reescribindo os clásicos.
Este ano para conmemorar o Día do Libro, revisamos os contos clásicos e reescribímolos intentando romper cos estereotipos.
Cada clase ocupouse de reescribir un. Aquí os tedes todos recompilados, animádadevos a lelos e comprobaredes que efectivamente si que cambia o conto.
Maio Larpán
Enviado por josean o Mar, 04/05/2021 - 01:32Hai algúns que parece que naceron para isto, papillo de Maio de Rúa do maio Larpán do Sequelo, produto do Taller de Coplas
Taller de Coplas de Maio
Enviado por josean o Mar, 04/05/2021 - 00:56Como tódolos anos sacamos adiante o noso Taller de coplas de Maio de onde sacamos adiante en tódolos cursos, unha porrada delas e das que sacamos, as que logo configurarán aquela que cantaremos o primeiro de Maio en Marín.
O fondo do vídeo é moi especial: son os nosos maiores de hai uns anos xa, cantando o que recordaban de nenos. A súa voz reforza a forza transmisora dunha celebración na que participaron coma nós os nosos devanceiros e a cadea segue intacta
Cantamos os maios (I)
Enviado por josean o Lun, 03/05/2021 - 23:51Malia todalas complicacións e dificultades que supuxo a pandemia, e que somos conscientes que facelo fóra do día 1, é un mísero remendo do que ten que ser, non podiamos pasar sen cantar e tan ben como o fixeron os nenos de 6º A
- « primeira
- ‹ anterior
- …
- 9
- 10
- 11
- 12
- 13
- 14
- 15
- 16
- 17
- …
- seguinte ›
- última »