O alumnado de cuarto curso realizou o pasado día 23 de maio unha visita cultural aos Museos Científicos de A Coruña, nos que puideron experimentar moitas das cousas que estudaron en Ciencias Naturais, ademais de coñecer a cidade. 

Outra das nosas tradicionais saídas é a visita aos museos da Coruña (Domus, Casa das Ciencias e Acuario), que realizan os alumnos de 4. A reportaxe fotográfica premendo na foto

Na mesma saída visitaron un castelo con moita historia: reis e raiñas de Galicia, condes, duques, vasalos, marcas de mestres canteiros na pedra, asaltos, irmandiños...

Os nenos de cuarto de Primaria recibiron o venres 22 de marzo a visita da escritora Ana Alonso, coa que estiveron falando do seu libro "El palacio subterráneo".  A autora amablemente contestou a todas as  súas preguntas e asinou exemplares do devandito libro.

Ana Alonso residiu durante a meirande parte da súa vida en León.  Licenciada en Ciencias Biolóxicas pola Universidade de León e amplia os seus estudos en Escocia e París.  Ten publicado oito poemarios e, entre outros, recibiu o Premio de Poesía Hiperión (2005) e o Premio Ollo Crítico de Poesía (2006)

Escritora, traductora, bióloga e profesora de secundaria, Ana Alonso destacou, ademais de polos seus libros  de literatura xuvenil, pola súa incursión na poesía, obtendo un acesit no premio adonais 2003.

O alumnado de 3º e 4º do Colexio foise o venres día 8 de Xuño, para pasalo entre amigos e así celebrar o fin de curso. Decidiron marcharse a unha illa preto de Marín, e non é Tambo, foi a Illa de Ons que forma parte do Arquipélago das Illas Atlánticas. Estaba todo contratado, o barco, a animación no barco, monitores para unha visita guiada pola illa, un bar coa súa terraza  para comer con vistas ó mar, e por suposto o día tan estupendo que saíu despois de varios días grises e de choiva que o precedreron tamén estaba contratado, jejeje. Saíu todo xenial!!