Os maios

Música dende a casa (20): "Ritmo para acompañar as coplas de "Os maios"

Enviado por Anónimo o Mér, 22/04/2020 - 09:31

Fai uns días propuxémosvos que fixerades coplas para celebrar a festa de "Os maios", logo decatámonos de que seguro os faltaban os tradicionais paus para acompañalas co ritmo. Pois ben, ocorréusenos que nos poderían servir os utensilios de madeira que hai en todas as cociñas. Eu atopei todos estes e fixen unha proba que espero que vos sirva.

Agora pedídelle permiso aos vosos pais para usalos, e animádevos a probar, seguro que vos sae mellor!

O mundo dos Maios

Enviado por josean o Mar, 21/04/2020 - 22:01

Recopilatorio dos nenos de 4º B sobre o mundo dos Maios

Libro Maios

Leer más publicaciones en Calaméo

Música dende a casa (19): "Levántate Maio Marín 2020 Sequelo"

Enviado por Anónimo o Sáb, 18/04/2020 - 20:59

Tódolos anos, chegadas estas datas, o Ateneo Santa Cecilia convoca o seu concurso de Maios; este ano por as especiais circunstancias que vivimos non imos poder facer o maio e saír con el polas rúas da vila.

Pero... que tal se o cantamos “dende a casa”?

Pois ben, ahí vai a nosa proposta: “Levántate Maio Marín 2020 Sequelo".

Mandádenos un vídeo cantando unha ou dúas estrofas dunha copla dun maio. Podédelas crear vos mesmos seguindo o manual que fai uns días nos deixou o profe José Antonio na entrada da web do centro titulada “Coplas dos maios”. Ou ben se non vos atrevedes a crealas pero queredes cantalas decídenolo e dámosvolas nós.

Tendes de prazo ata o día 28 de abril. Con todas as gravacións recibidas faremos un vídeo que ten que estar listo para saír o día 1 de maio.

Recórdovos o correo para envialas sequelonacasa@gmail.com.

Para aprender a melodía, deixamos este audio cantado fai uns anos por un grupiño de nenos e nenas, algunhas aínda están no cole e outras xa se foron.

LXVII CONCURSO DE MAIOS DE MARÍN

Enviado por josean o Mar, 14/04/2020 - 00:06

Como tódolos anos, chegadas estas datas, o Ateneo Santa Cecilia convoca o seu concurso de Maios; este ano por mor das especiais circunstancias que vivimos non imos poder facer o maio e saír con el polas rúas da vila. Pero o que supón un inconveniente é unha oportunidade única para que todos vós poidades aprender a facer a vosa propia copla tanto de barcos como de Maios.

A guía para facer a copla dos maios xa hai uns días que a subimos á nosa páxina web. Para acceder a ela clicade no link seguinte:

Manual de Coplas

Cando as teñades rematadas mandádeas cos vosos datos (Nome, Idade, curso, telefono e correo electrónico se tedes a estoutro correo ceipsequelo@gmail.com)

Lede ben as BASES

Concurso de Maios e Embarcacións 2020 by Josean Pazos on Scribd

ESTADE ATENTOS

Entre mañá e pasado daremos os pasos para construir unha copla de embarcacións sinxeliñas.

Coplas dos Maios

Enviado por josean o Mar, 07/04/2020 - 19:49

Tódolos anos máis ou menos por esta altura aos de 5º e 6º dámoslles un manual para que saiban como facer en debida forma unha copla de maio. Como parece ser que este ano non imos poder facer o maio, polo menos copla imos intentar facer e cantalo aínda que telematicamente tamén.

ANIMÁDEVOS COA AXUDA DESTE MANUAL A FACER A VOSA PROPIA COPLA e enviárnola a sequelonacasa@gmail.com

Manual para as coplas de Maio