No mes de novembro, como cada ano, celebramos o "concurso outono literario". Este ano estivo adicado á nutrición, proxecto globalizador do centro. O concurso consistiu na elaboración dunha receita escrita ademais da preparación do propio prato. Foi un éxito de participación. Moitas grazas a todos e todas.
O mércores 4 de decembro, os alumnos e alumnas de 6º, participamos nun obradoiro moi interesante sobre música tradicional galega "as regueifas". Ademais de descubrir a súa orixe e de analizar aspectos característicos como é a súa rima, compusemos as nosas propias regueifas. Foi todo un espectáculo e un pracer descubrir unhas das nosas tradicións máis arraigadas. Moitas grazas!!
O mércores 13 de novembro, celebramos unha das festas máis arraigadas de Galicia, o magosto. Este ano, debido ao mal tempo, non fixemos a actividade de senderismo, aínda que a xornada lúdica no colexio foi moi divertida. Xogos nos que implicáronse tanto alumnado como corpo docente, e nos que o desenvolvemento de condutas sociomotrices e integradoras positivas foron unha realidade. A degustación de castañas completou con "moito gusto" un día moi especial.
O 16 de maio, celebramos o Día grande das Nosas Letras, unha homenaxe a nosa lingua. Interpretacións musicais ou recitado de cantigas foron algunhas das actividades para unha xornada tan especial.
O 15 de maio, dentro do Programa de Dinamización da Lingua Galega, os nenos e nenas de 1º e 2º curso organizaron conxuntamente coa EEI Monte do Alba a festa dos maios. Foi unha xornada especial que culminou cunha merenda no Centro Cultural de Valadares. Moitas grazas ás familias que colaboraron con nós.
O 10 de abril, dentro do Programa de Recuperación do noso Patrimonio Cultural, o alumnado de 4º, 5º e 6º desprazámonos ata o Centro Cultural de Valadares para participar dunha exposición titulada "Arredor do liño". Descubrimos diferentes técnicas de traballo, curiosidades sobre os instrumentos empregados ou as características dos traxes galegos da época .