O 27 de febreiro conmemoramos o Día de Rosalía, 24 de febreiro. Entro todos os nenos/as elaboramos o mural "Rosalía: A nosa estrela", recitamos os seus poemas e lembramos a importancia da súa obra.
O 21 de febreiro, como cada ano, celebramos o Entroido. A festa tivo lugar no torreiro de Valadares, conxuntamente coa EEI Monte do Alba. Agradecemos a participación da Anpa, da Comunidade de Montes así como de todas as familias que colaboraron con nós para que este día fose unha xornada especial.
Con motivo do Día de San Valentín, elaboramos o noso mural máis namorado, "Namórate das Palabras". Cada neno/a escribiu nun corazón a súa palabra galega preferida. Grazas a todos/as por participar.
Como cada ano, o 30 de xaneiro, os nenos e nenas do Igrexa Valadares celebramos o Día da Paz con música e cantigas. Ademais, entre todos e todas elaboramos o mural "Chocolatada pola Paz" con palabras e frases alusivas a este día. Foi unha xornada moi especial na que puxemos en valor a importancia da palabra para a resolución de conflitos.