Actividades na horta

Pronto chega a primavera. Temos que preparar o noso horto para a chegada desta especial estación. Diana veu ao cole con múltiples actividades para irlle facendo camiño ao noso hortiño escolar. Cos maiores, os de 6º prepararon APICHI. Sabedes que é? Pois unha mestura de allo , pementa, chile e alcohol para preservalo. Axuda a afastar os insectos das nosas hortas, como o caracol , a babosa ou o pulgón. Tamén preparamos sementes de xirasois, para logo transplantar ao noso horto . Outras clases prepararon plantas aromáticas, ou tamén as estructuras, outros amorodos......Hai moito que facer nun horto escolar tan especial coma o noso. A que si?

Hoxe visitáronnos por última vez no que queda de curso Diana e Raquel, de Somos Terra. Cantas cousas nos explican! Canto saben da natureza, da horta, dos cultivos,.....grazas a elas temos un horto cheo de vida no ceip da cruz! Neste día, coma sempre, aprendemos un montón: probsmos leitugas, cheiramos follas aromáticas, fixámonos nos bechiños que son tan importantes para que o ciclo da vida funcione, incluso vimos un niño na árbore do cole! Grazas Diana e Raquel por tanto que nos trasmitides!  Ata o próximo curso!

Con Diana e Raquel seguimos a traballar no horto en divertidas sesións matutinas nas que aprendemos un montón sobre natureza, animais e froitos. ESta vez fixemos múltiples actividades como identificar os pulgóns que despois as xoaniñas comerán, ver como creceron as nosas plantas, degustar como saben algunhas folliñas e tamén plantamos leituguiñas que crecerán bonitas e a finais de curso levaremos para casa. GRazas Diana, encantanos todo o que nos ensinas!

Que ganas tiñamos de voltar ao noso viveiro! E que ben o pasamos parnedendo, tocando e vivindo experiencias. Grazas a Lola e a Laura que nos ensinan a importancia de preservar as nosas especies do mellor modo posible: plantando futuros castiñeiros que ademáis nos levamos de volta ao cole esperando velos brotar. Por suposto, paroveitamos para limpar o entorno dos nosos piñeiros poñendo en valor o coidado do medio.

Soa a campá! Ring! Comezamos a tempada do coidado do noso horto escolar. É certo que é pequeniño, pero tamén moi xeitosiño.  Facemos sementeira de rúcula e chícharos e tamén plantación de leitugas e folres. Facemos un banco de sementes de tomate e pemento. Gracias a Diana e a Raquel por ensinarnos tantas cousas sobre a horta. Sabedes un montón! Estes momentos coas mans na terra ou na herba son inesquecibles. Encántanos!