Skip to Content

PROCESO DE RESERVA, ADMISIÓN E MATRÍCULA CURSO 2023/2024

 

  • Do 16 de xaneiro ao 6 de febreiro é a reserva de praza para un centro adscrito, ou sexa,  o alumnado de 6º de Ed.Infantil (aula de Baldráns) adscrito ao CEIP DE CALDELAS para 1º de Primaria, e o alumnado de 6º de Ed.Primaria adscrito ao IES INDALECIO PÉREZ para 1º da ESO.
  • Do 1 ao 20 de marzo será a solicitude de admisión en novos centros, ou sexa, o alumnado que vaia para un centro novo, non adscrito a outro.
  • Do 20 ao 30 de xuño será a matrícula no CEIP DE CALDELAS para Ed.Infantil e Primaria.
  • Do 23 de xuño ao 7 de xullo a matrícula para Ed.Secundaria (ESO).

 

Aclarar que o alumnado que está actualmente no centro, NON TEN QUE FACER NINGÚN TRÁMITE.

 

No arquivo adxunto de abaixo tedes a información completa.

XORNADAS DE PORTAS ABERTAS

As xornadas de portas abertas no noso colexio serán os martes 7, 14 e 28 de febreiro. 

En horario de 16 a 17:30. O martes 7 tamén ás 18:30.

Preferiblemente con cita previa no teléfono 886110822.

 

MENÚ COMEDOR MES DE DECEMBRO

AUTORIZACIÓN PARA ADMINISTRACIÓN DE MEDICAMENTOS NO COMEDOR

Adxuntamos o modelo que debedes cubrir se os vosos/as fillos/as precisan tomar algunha medicación no horario de comedor

MENÚ MES DE NOVEMBRO

Aquí está o menú de novembro. Vai tamén en documentos adxuntos

RENOVACIÓN DO CONSELLO ESCOLAR DO COLEXIO

Durante o vindeiro mes de novembro iníciase o proceso de renovación dos membros do Consello Escolar do noso colexio.

No caso dos mestres/as corresponden CINCO REPRESENTANTES, dos cales un continuará, polo que toca elixir a catro.

No caso das nais/pais, igualmente, corresponden CINCO REPRESENTANTES, dos cales un continuará, polo que toca elixir a catro.

O primeiro paso será a Constitución da Xunta Electoral, que rexirá todo o proceso. Para elo farase un sorteo o vindeiro mércores 2 de novembro as 10:00 no colexio. Esa Xunta estará composta pola Directora, un mestre/a, unha nai/pai e un representante do PAS (persoal de administración e servizos), máis os seus suplentes.

Por medio do ABALAR e no taboleiro de entrada do colexio, iremos informando dos seguintes pasos.

 

Atentamente.

O equipo directivo.

AMPLIACIÓN DA AXUDA PARA ADQUIRIR MATERIAL ESCOLAR

Os beneficiarios do vale para adquirir material por importe de 50€, teñen disponible para recoller no colexio un vale adicional de 25€. Dito vale debe recollelo unha persoa maior de idade na secretaría do colexio.

Este vale para material debe empregarse preferentemente na libraría/establecemento antes do 1 de decembro de 2022.

Calqueira dubida estamos a vosa disposición.

Saúdos.

Equipo directivo CEIP de Caldelas

PLAN DIXITAL DE CENTRO

Adxuntamos o Plan Dixital de Centro que levaremos a cabo neste curso escolar 22/23

MENÚ COMEDOR MES DE OUTUBRO

BENVIDOS/AS AO CURSO 22/23!

Recordámosvos que as clases inícianse o xoves 8 de setembro; no horario habitual, de 9:00 a 14:00. (excepto os de 4º infantil que teñan periodo de adaptación).

Neste primeiro día as familias podedes entrar ao recinto escolar e acompañar aos nen@s ata as filas, pero non podedes entrar ás clases.

Os servizos de transporte e aula matinal (de 7:30 a 9:00) e tardía (de 14:00 a 14:30) funcionarán xa.

As actividades extraescolares e o comedor, comezarán en outubro.

Xa non haberá protocolo COVID, excepto para o transporte escolar, onde será obrigatoria a mascarilla.

Distribuir contido


by Dr. Radut