Quérote máis
QUÉROTE MÁIS
Teño soños de colores
cando non podo durmir,
sigo esperto toda a noite
e non deixo de bulir.
Dando voltas no meu leito
teño gañas de voar,
sáeme o corazón do peito
seica poderá estoupar.
Cando facemos o pino
a limpar no ceo os pés
ou botamos aturuxos
antes de que pase o tren.
Cando che dou a pulseira
feita con mil alecríns,
mírote ós ollos decote
para poderche así dicir:
Quérote máis, quero, quérote máis
que a tortilla de patacas con xamón
quérote máis, quero, quérote máis
cada vez que me latexa o corazón.
Teño na boca un sorriso
e nos ollos un candil,
que ninguén pode apagar
cando corres xunto a min.
O meu corpo treme enteiro,
tremen pernas, tremen mans,
sáeme o corazón do peito
seica poderá estoupar.
Ao pintar arcos da vella
de colores polo ar,
cando escribes o meu nome
nun espello ou nun cristal.
Ao acendermos unha radio
e este son poder ouvir,
mírote ós ollos decote
para poderche así dicir.
Quérote máis, quero, quérote máis
que a tortilla de patacas con xamón
quérote máis, quero, quérote máis
cada vez que me latexa o corazón.
(bis)
*Maite zaitut, maite maite zaitut
que a tortilla de patacas con xamón
*Maite zaitut, maite maite zaitut
cada vez que me latexa o corazón.
O sonoro Maxín
*Maite zaitut (qúerote en euskera)