Ola a tod@s!!!
Neste caso preséntovos xogos con globos. Moitos deles seguro que xa os tedes practicado pero xa sabedes, podédelos adaptar e modificar ás vosas circunstancias.
Obxectivo: seguirnos movendo!!!
Se queredes enviar algunha imaxe vosa ou da vosa familia practicando estes xogos facedeo a vistah10@gmail.com
Ánimo!!!
Unha cadeira, un sofá, unha corda ou cordón que fai de rede....unha persoa a cada lado e listo!!, a xogar!! O globo non pode caer ao chan!!
Non hai rede. Un xogador debe intentar que o globo toque o chan, e o outro teno que evitar. Pódese puntuar cada vez que toque chan e cambiar de roles.
Golpear o globo ao aire, dar unha palmada e volver a golpear ao aire. Despois dunha palmada teñen que facer dúas e volver a golpear, despois tres e volver a golpear.... cantas palmadas serás capaz de dar sen que o globo toque o chan?
Golpear o globo ao aire, deitarse no chan boca abaixo, volver a levantarse e volver a golpear o globo sen que caia...mínimo cinco veces...cantas consegues?
Varios xogadores, cada un cun globo. Que globo chegará antes dun lugar “A” a outro “B” utilizando unicamente unha parte do corpo en concreto? (cabeza, cóbado, ombreiro...)
Cantos golpeos seguidos darás feito ca cabeza? E cos pés?E co cóbado? En caso de haber varios xogadores podedes ir puntuando, cada golpeo un punto. Vencerá o que máis puntos consiga ao sumar os golpeos con todas as partes do corpo.
Podes levar un globo dun lugar “A”(salón) a outro “B”(cociña) sen tocar o globo coas mans?
Ponse en calquera mesa un pequeno obstáculo (rede) e usar de raquetas as propias mans.