Orientación

Quen somos?
O Departamento de Orientación é un servizo de atención ao alumnado e de asesoramento permanente ao profesorado e ás familias da nosa comunidade educativa.

Está composto por:

• A xefa do Dpto. de Orientación: coordina e xestiona todo o relacionado co Departamento.
•  As especialistas en Audición e Linguaxe: Potencian as habilidades comunicativo-lingüísticas e interveñen nos problemas da linguaxe e comunicación.
• As especialistas en Pedagoxía Terapéutica: Traballan co alumnado con Necesidades Específicas de Apoio Educativo.
• Coordinadores/as de ciclo. Representan ao profesorado de cada ciclo de Infantil e Primaria do centro.

Cales son as nosas principais funcións?

• Valorar as necesidades educativas do alumnado e deseñar, desenvolver e avaliar programas específicos de intervención.
• Deseñar accións encamiñadas á atención temperá e á prevención de dificultades e problemas de aprendizaxe.
• Ofrecer soporte técnico ao profesorado.
• Participar na elaboración do Proxecto Educativo do centro, incidindo na atención ao alumnado con necesidades específicas de apoio educativo, nos principios de avaliación e na adecuación dos criterios de promoción.
• Apoiar e Asesorar ao alumnado para afrontar os momentos escolares máis decisivos ou de maior dificultade.

Cando podedes solicitar as familias a nosa intervención?.
Cando exista un problema ou precisedes asesoramento sobre:

• Aprendizaxes escolares.
• Celos entre irmáns.
• Conduta.
• Dificultades na linguaxe.
• Control de esfínteres.
• Separación ou divorcio.
• Adopción.
• Técnicas de estudio.
• Dúbidas na educación dos/as vosos/as fillos/as.
• Calquera outra cuestión na que se precise asesoramento.

Cando vos podemos atender?
Poderémosvos atender os luns de 17.00 a 18.00 na hora de atención a nais e pais ou, se o precisades, polas mañás concretando a cita coa xefa do departamento de orientación:

                                        Tlf: 982 87 01 21

Para unha mellor atención pregámosvos que chamedes con antelación para solicitar a entrevista.