Curso 2014-15
REFORMA PUBLICADA NO BOE, VENRES 28 DE NOVEMBRO
Enviado por profe o Mar, 12/09/2014 - 12:59NOVAS DEDUCIÓNS POR FAMILIA NUMEROSA
O Goberno vén de aprobar unha Reforma con novas deducións específicas para familias numerosas. Todos os requisitos e información necesaria pódense consultar nos seguintes enlaces:
MAGOSTO 2014
Enviado por admin o Lun, 11/24/2014 - 11:47Este ano non puidemos ir ao Monte Galiñeiro a celebrar o Magosto, debido a que non parou de chover en todo o mes, pero no cole tamén sabemos celebrar esta festa e pasalo moi ben. Joaquín asou as castañas e, despois de comelas, fixemos moitos xogos. Xa para finalizar, recollimos todo o lixo dos patios. O ano que vén seguro que teremos máis sorte e iremos ao Galiñeiro!!!
Mirade o vídeo da xornada:
HORTO ESCOLAR
Enviado por admin o Mér, 11/05/2014 - 16:30HORTO ESCOLAR:
No curso escolar 2014-15 creouse un horto que pretendemos coidar durante moitos anos entre o alumnado, as familias e o profesorado!!!
SAMAÍN 2014: O DÍA DAS CABAZAS E DAS CESTAS DE OUTONO
Enviado por admin o Sáb, 11/01/2014 - 19:39MENUDO SAMAÍN!!!
O 30 de outubro celebramos no cole o Día das Cabazas xunto coa exposición de cestas con produtos típicos do outono. Seguro que foi o día do curso no que pasamos máis medo!!! Cada alumno/a trouxo ao cole unha CESTA e unha CABAZA SUPERTERRORÍFICA, UHHHHHHHHHHH!!!
Reportaxe do periodista do xornal “La Voz de Galicia” que visitou o colexio, clica na imaxen para poder lela.
- Primeiro, visitamos o escenario da sala de usos múltiples transformado na habitación da nena de “Monstruos S.A.”, onde colocamos todas as cabazas e intentamos localizar obxectos escondidos entre elas. Todo isto, coas luces acendidas.
- Os alumnos/as de 6º meteron moito medo no corpo a todo o cole, xa que viñeron disfrazados, agás aos máis pequeniños.
- Despois, acudimos outra vez, pero coas luces apagadas para observar as cabazas no seu estado máis TERRORÍFICO....
Grazas tamén ás familias pola súa colaboración.
Neste vídeo, todas as fotos das cabazas:
Neste outro, retratos do samaín e as cestas de outono:
E xa por último, o xogo de atopar obxectos entre as cabazas e os sustos de Xoel de 6º:
QUE GRAN NOVIDADE: RECUNCHO DE PAIS!!!!!!!
Enviado por profe o Xov, 10/09/2014 - 12:46
Xa temos á vosa disposición, e grazas ó Equipo de Dinamización da Biblioteca escolar, o RECUNCHO DE PAIS!! Aquí, ademais de poder acceder ó servizo de autoempréstito cunha colección de libros que a Biblioteca seleccionou para vós, teredes moita información e material de consulta de orientación sobre técnicas de estudo, cómo afrontar o primeiro día de escola, cómo ensinar a durmir, material sobre necesidades educativas especiais... e moito máis! Vén visitarnos!
Axudas para o alumnado con necesidades específicas de apoio educativo (2014-2015)
Enviado por profe o Mar, 09/02/2014 - 15:25Aberto o prazo para solicitar as becas para alumnado con necesidade específica de apoio educativo. O prazo finaliza o 30 de Setembro de 2014.
A información das becas recóllese no seguinte enderezo: https://sede.educacion.gob.es/catalogo-tramites/becas-ayudas-subvenciones/para-estudiar/primaria-secundaria/beca-necesidad-especifica.html
Dende o Departamento de Orientación solucionaremos calquera dúbida.