O 20 de febreiro, ás dez da mañán, recibiuse no Centro a visita do Xefe Territorial da Consellería de Educación, D. Indalecio Cabana. A visita estaba motivada polas reiteradas peticións que desde o Colexio se levan feito á esa Xefatura de cambiar a carpintería exterior do mesmo, por canto as ventás existentes son de tan ínfima calidade que non aíllan en absoluto, ocasionando un gasto excesivo en calefacción.
Durante a súa visita, estiveron tamén presentes o Sr. Alcalde D. Juan José Dieste, a Concelleira de Educación, Dna. Mª José Lorenzo e a presidenta da APA do Centro, Dna. María Outeiral.
O Xefe Territorial comprometeuse a solicitar presupostos -prioritariamente na zona- para poder realizar unha pequena parte da obra solicitada, en espera de poder continuala no futuro.