Extraescolares e complementarias

O alumnado de 5° e 6° de Educación Primaria asistiu a unha formación sobre ciberseguridade enmarcada dentro do Plan Director do centro.

Un policía nacional explicou como ser conscientes dos perigos que existen e tamén a aplicar cautela para poder previlos.

Despois do parón da pandemia, retomamos o programa TEI,  un programa de gran tradición no colexio (desde o curso 2017) cuxo obxectivo e a prevención da violencia e do acoso escolar. Onte presentámolo ás familas de 5º e 3º EP.

O TEI pon en contacto aos nenos e nenas de 5ºEP, que exercerán de titores-as, co alumnado de 3ºEP, que serán os seus titorizados-as.

Cando xurda unha conduta inapropiada da que o alumno/a de 3ª é a víctima, recurrirá ao seu titor/a de 5º para que entre os tres intenten resolver o problema.

Este tipo de actividades prepara ao alumnado para a vida e exercita as súas habilidades sociais para previr problemas de convivencia no futuro.

O pasado venres celebramos o Samaín: disfrazámonos, divertímonos, vimos as cabazas que estaban expostas, fixemos actividades dixitais...., e aquí deixamos unha mostra  do noso día.  

O periódico La Opinión Coruña, veu visitarnos e fíxose eco da nosa terrorífica xornada!! Podedess ler a noticia premendo na seguinte ligazón aquí. 

Esta semana tivemos unhas xornadas de Educación en Igualdade en colaboración coa ANPA "A Cubela". Os primeiros en participar con Jumpingkids foron as alumnas e alumnos do 1º ciclo de EP. Continuarase ao longo desta semana co alumnado de Educación Infantil, e para a próxima participará o alumnado de 3º a 6º de Educación Primaria con Almas Merakis. 

A través de distintas actividades comprenderon que as cores non teñen xénero, que todas e todos somos iguais e que podemos adicarnos ao que desexemos.

Foi unha actividade moi enriquecedora. 

Ademais, a ANPA organizará uns obradoiros de igualdade para as familias do centro:

Os días 3 e 4 de novembro de 16.00- 18.30horas no salón de actos do noso colexio.

Agradecer á ANPA a súa colaboración.

Xa é Outono no noso colexio, e como non podía ser doutro xeito xa empezaron a bailar as buxainas polos nosos patios. E quen mellor que o gran campeón de buxainas mexicano, Omar Pule, para facer con elas incribles trucos diante das miradas asombradas de alumnas, alumnos e tamén de profesoras e profesores. Agora só nos queda rescatar as nosas buxainas, dese curruncho no que estiveron agochadas, e disfrutar un ano máis da maxia e o magnetismo do seus bailes.

Vira na roda da vida

Vira como unha buxaina

Por cada volta que vira

Vaise unha pena da ialma

(Xosé Lois Romero)