Novas
Plan Director de Convivencia: Charla uso de internet, redes sociais e videoxogos
Enviado por admin o Dom, 25/02/2024 - 15:31Entre as actividades programadas pola Comisión de Convivencia do Centro, coa colaboración da Asociación de Nais e Pais, dentro do Plan Director de Conviencia, o alumnado de 5º e 6º cursos de Educación Primaria participou en unha charla sobre o uso seguro de internet, as redes sociais e os videoxogos. A sesión formativa estivo impartida por Fernando, experto da Garda Civil nestas cuestións.
Día da Internet Segura
Enviado por admin o Mar, 06/02/2024 - 08:33O 6 de febreiro celébrase en todo o mundo o Día da Internet Segura ou o Safer Internet Day #SID2024. O Día da Internet Segura ou Safer Internet Day (SID) é un evento internacional organizado polas redes Insafe/INHOPE de Centros de Seguridade na Internet en Europa, co apoio da Comisión Europea.
O Instituto Nacional de Ciberseguridade (INCIBE) https://www.incibe.es/eventos/sid únese á iniciativa internacional e celebra o #DíaDeInternetSegura con actividades para fomentar, entre nenos, novos e as súas contornas máis próximas, un uso seguro e positivo das tecnoloxías dixitais, promocionando as súas competencias nesta materia e axudándolles a ser respectuosos, críticos e creativos, en liña cos principios dixitais europeos.
O alumnado de educación primaria do noso centro participou nos seguintes talleres:
• Taller en liña para alumnado de 1º, 2º, 3º e 4º de educación primaria: Respecto e res-ponsabilidade na internet.
• Taller en liña para alumnado de 5º e 6º de educación primaria: Protexe os teus dispositivos: aprende a realizar configuracións seguras.
Os talleres consistiron nunha actividade práctica por parte de cada alumno/a, e despois unha dinámica gamificada con todas as persoas participantes.
Clica na imaxe paa ver a fotos
Vídeo resumo da Día da Internet Segura 2023
E-DIXGAL 2023 2024
Enviado por admin o Xov, 05/10/2023 - 21:33Un novo curso o alumnado de 5º e 6º de educación primaria forma parte do Proxecto E-Dixgal.
As aulas destes cursos dispoñen dun encerado dixital interactivo, dun proxector, dun equipo para o profesor, e dun equipo para cada alumno. Ademaís as aulas contan con conexión WIFI para que o alumnado e profesorado poda accesos aos contidos dixitais e seguir a actividade educativa na aula desde o seu equipo.
O acceso á plataforma virtual de aprendizaxe é posible a través de calquera equipo con conexión a internet, a través das claves de acceso que lle serán entregadas ao alumnado no centro. Para acceder a plataforma, e desenvolver as actividades educativas, o alumnado participante no proxecto ten dereito a un netbook (ordenador portátil) na modalidade de cesión de uso, unicamente para uso persoal e educativo.
As familias que o desexen poden contratar de xeito voluntario un seguro anual (válido desde setembro de 2023 ata agosto de 2024), que permite cubrir o risco dos danos no portátil non contemplados na garantía. O custo anual do devandito seguro é de 49 € (I.V.E. incluído), e asfamilias poden realizar a contratación a través do número de teléfono 881 505 136.
Navega con Rumbo
Enviado por admin o Dom, 04/06/2023 - 12:18O Programa Navega con Rumbo ten como obxectivo favorecer o uso responsable de internet entre o alumnado, previr o ciberacoso e outros riscos derivados do mal uso de internet e as redes sociais mediante charlas informativas que aborden o uso positivo da rede e proporcionar estratexias para previlos.
Dentro deste programa visitou o centro Rubén que explicou ao alumnado de 5º e 6º de educación primaria algúns dos peligros de internet e mostrounos algunha práctica que debemos de ter en conta á hora de facer uso desta ferramenta.
Día da Internet Segura
Enviado por admin o Mar, 07/02/2023 - 11:56O 7 de febreiro celébrase en todo o mundo o Día da Internet Segura baixo o lema nesta edición ‘Xuntos por unha Internet mellor" https://www.incibe.es/sid
Desde o Instituto Nacional de Ciberseguridade organizan en colaboración co Instituto Nacional de Tecnoloxías Educativas e de Formación do Profesorado (INTEF) talleres en liña interactivos co obxectivo de axudar ao alumnado para desenvolver as súas competencias dixitais para aprender a realizar un uso seguro e responsable da internet. O alumnado de educación primaria do noso centro participou nos seguintes talleres:
•Taller en liña para alumnado de 6 a 8 anos: “Crea o teu contrasinal secreto”.
•Taller en liña para alumnado de 9 a 12 anos: “Detecta a fraude en videoxogos”.
Plan Director de Convivencia: Novas tecnoloxías
Enviado por admin o Xov, 26/01/2023 - 08:40O “Plan Director para a Convivencia e a Mellora da Seguridade nos Centros Educativos” ofrece aos centros a posibilidade de solicitar charlas informativas impartidas por expertos das forzas e corpos de seguridade sobre diferentes temáticas que favorezan a mellora da convivencia.
Onte un técnico formador da Garda Civil impartiu dúas charlas sobre novas tecnoloxías ao alumnado de 5º e 6º de Educación Primaria.
Programa DIGITALWEEK: Participación alumnado 6º de Educación Primaria
Enviado por admin o Lun, 26/09/2022 - 21:03No día de onte, 26 de setembro, publicouse no portal educativo a Resolución definitiva da selección de centros docentes públicos para participar no programa de inmersión lingüística en lingua inglesa a través de actividades dixitais, Digitalweek http://www.edu.xunta.gal/portal/node/38030 na que o noso centro é un dos incluídos.
O obxectivo principal deste programa é proporcionar ao alumnado participante unha actividade de inmersión lingüística que lle permita mellorar as suas destrezas de comprensión e expresión oral en lingua inglesa a través de actividades dixitais. Así mesmo, contará con actividades accións formativas non só académicas senón tamén que fomenten a actividade física, a socialización e o coñecemento cultural e tecnolóxico do contexto galego cunha metodoloxía adecuada á sua etapa educativa.
A actividade será de balde para as familias e a experiencia inmersiva desenvolverase no Albergue Xuvenil de Gandarío, en Bergondo, do 9 ao 15 de outubro.
REDE GALEGA DE EDUCACIÓN DIXITAL (DIXITALGAL)
Enviado por admin o Xov, 18/11/2021 - 10:41O pasado xoves 11 de novembro publicouse a Resolución definitiva dos centros docentes admitidos para a constitución da Rede Galega de Educación Dixital (DixitalGal), para o curso 2021-2022, na que o noso centro foi un dos seleccionados. https://www.edu.xunta.gal/portal/node/35607.
A Rede Galega de Educación Dixital inicia a súa actividade cun equipo integrado por 78 centros educativos e outros tantos docentes para impulsar a transformación do sistema educativo e ofrecer asesoramento e apoio no impulso dunha medida clave neste proceso: O Plan Dixital de Centro.
A rede organízase en 14 ámbitos xeográficos en toda Galicia, 5 na provincia da Coruña. Cada centro da rede contará cunha persoa mentora que acompañará aos centros do seu ámbito xeográfico no proceso de deseño, elaboración e implementación do Plan Dixital.
RECURSOS E DISPOSITIVOS TIC´S NA CASA
Enviado por admin o Lun, 20/09/2021 - 17:33Co fin de ter o maior coñecemento posible da realidade do alumnado do noso centro e detectar as posibles carencias ou necesidades que se presenten ante un eventual paso ao ensino a distancia, solicítaselles ás familias do noso centro que cubran o seguinte formulario (un por cada neno/a matriculado no colexio):
PROXECTO EDIXGAL: INFORMACIÓN PARA AS FAMILIAS
Enviado por admin o Mér, 23/09/2020 - 09:43Este ano o centro comeza a súa participación no Proxecto Edixgal. A aula de 5º de EP será a primeira en ter as ventaxas que este proxecto proporciona. A aula dispón dun encerado dixital interactivo, dun proxector, dun portátil para o/a profesor/a e dun ordenador por alumno/a. Ademais, contan con conexión Wifi para que o alumnado poida acceder aos contidos dixitais e seguir a actividade educativa na aula desde o seu equipo. Facendo clic nas imaxes podedes acceder a información referida ao proxecto Edixgal.
Espazo dedicado ao proxecto Folleto informativo
O alumnado pode levar o portátil para a súa casa, cubrindo un formulario de asunción de responsabilidade que debe entregarse debidamente cumprimentado e asinado no centro educativo. Existe a posibilidade de contratar un seguro opcional para o portátil (independente do centro).