Skip to Content

Actividades

Visita de Titimoki

Comezamos o mes de marzo coa visita da escritora Titimoki, que veu falar cos cursos inferiores do seu libro Pomodoro, no que un oso é feliz compartindo as súas mazás coa veciñanza. Un bo punto de partida para un reflexión sobre a sociedade actual.
O alumnado estivo moi interesado en todo o que lles contou sobre a creación e lectura do conto.

Esta actividade enmárcase dentro do programa Faro da Escola, que conta coa colaboración da Editorial Xerais.


Grazas, Titimoki!

 

 

 

Visita do escritor Eduardo Santiago

Hoxe o escritor Eduardo Santiago veu falar connosco do seu libro "A miña amiga invisible", grazas ao programa Faro da Escola, de Faro de Vigo, e a colaboración da Editorial Xerais.

Ademais, falamos de como se inspira en persoas que coñece para escoller os nomes e outras características das súas personaxes, de como se inspira noutros libros, do proceso dende que escribe o libro ata que se publica e moitas cousas máis. Incluso nos dixo cal é o seu libro favorito da literatura infantil en galego.

Moitas grazas por vir, Eduardo Santiago. Quedamos con ganas de ler "O mundo máxico de Lía".

 

 

 

 

Visita de Berta Dávila

Hoxe visitounos Berta Dávila grazas á colaboración de Faro da Escola e Edicions Xerais de Galicia para charlar connosco sobre o seu libro Demetrio Demoscopio perdeu a chispa.
Cando Demetrio Demoscopio perdeu a súa chispa o pequeno André decidiu axudalo a recuperala para o que andivo maquinando como conseguilo: dende contarlle chistes ata meterse nun libro máxico.
 
Unha conversa ben interesante na que descubrimos a unha escritora consagrada que se achega por 1° vez á literatura infantil.
 

 

Día do libro

Por fin poidemos retomar unha das activades que máis nos gusta para commemorar o día do libro, o apadriñamento lector.

Aos maiores encántalle lerlle aos máis pequenos e os pequenos gozan da lectura por parte dos maiores creando así un vínculo e unha corresponsabilidade que nos fai moi felices.

Día da Ilustración

Dende o 2014 cada 30 de xaneiro celébrase en Galicia o Día da Ilustración, coincidindo coa data do nacemento de Castelao.

Este ano, coñecemos a tres mulleres galegas que, ademais de ilustradoras fan uns marabillosos murais, igual que Haring fixo con Tuttomondo.

As artistas que coñecemos son Eva Casais, Lara Torres e Lidia Cao. A que fan cousas preciosas?

 

Libro con Rodas

Dentro da programación de "Vilagarcía, Cidade de Libro" organizada polo Concello, esta mañá tivemos a sorte de contar coa actividade Libro con Rodas.

Ata o noso cole acercouse unha furgoneta-biblioteca cargada de actividades para o fomento da lectura.

O noso veciño, o  actor  Josito Porto deleitounos cunha representación de  "Contos no Camiño"

 

REPERCUSIÓN NOS MEDIOS

21-06-21 - Canal Rías Baixas - "Un libro con rodas percorre os colexios de Vilagarcía"

Día do Libro 2021

O venres 23 de abril visitóunos a escritora Maite Mosconi. Non podiamos conmemorar o día do Libro duha maneira mellor!

Maite contounos lendas e historias sobre o seu libro Guerreiras de Lenda. Nós, como xa leramos o libro puidemos facerlle preguntas. Ademais tamén lle amosamos as diferentes actividades que fixemos co seu libro, como debuxos, interpretacións propias das lendas....

A autora regalounos un marcapáxinas sobre unha das lendas do libro "A lobra branca" que nos puidemos  decorar.

Moitas grazas Maite pola túa visita!

No blogue da biblio podedes ver outras actividades que fixemos.

Día das bibliotecas escolares

O 24 de outubro, celébrase o Día das Bibliotecas Escolares. Este curso baixo o lema: "Bibliotecas, sempre ao teu carón".

Para darlle sentido ao lema deste día, todo o alumnado participou nunha actividade que está exposta no taboleiro da entrada á biblioteca escolar.

Debuxaron a portada do libro lido na biblioteca do cole que máis lle gustou.

Estos son algúns exemplos das portadas que deseñaron os nosos artistas lectores!

 

 

Día do libro

Para celebrar este día tan importamte, os mestres e as mestras do cole quixemos facer algo especial. Decidimos achegarnos a vós aínda que fose a través dunha pantalla, contándovos unha fermosa historia que preparamos con moito cariño. Esperamos que vos guste.

Ademais, no blog da biblioteca, Sabela deixouvos algunhas actividades moi interesantes. Atrevédesvos con elas?

E lembrade que, agora máis que nunca,  a lectura é un gran remedio para o aburrimento.

Distribuir contido


by Dr. Radut